كان بيت الأسبوع الماضي للشاعر حمد عبدالله الوايلي من حوطة سدير حول خصلة ذميمة شائعة في المجتمع لدرجة انها اصبحت مؤرقة ومذمومة وهي مسألة الحسد وإثارة الفتن والمشاكل والعياذ بالله. والبيت يقول: سود القلوب مولعين الفتايل شبابة الفتنة على غير داعي وكانت الاصداء من الشعراء حول هذا البيت: يا كثرهم يا عنك ماهم قلايل ناس سوالفهم تجيب الصداعي اذا شنيت الدار شد لرحايل فجوج ربي للنشاما وساعي اعد عن اللي في ضميره ملايل ضفاف النفوس اللي قمرهم صناعي مبارك محمد ابو عجرا - المضة محصولهم همن وكثر الغلايل المجتمع واحد وللعدو واعي اشعوب صارت بين صايل وجايل الخير وين الخير عقب النزاعي يا محق بريع الاخداع وتحايل خبلن موصى وسط راسه صداعي غنام مسعود القريني - نعام ناس(ن) يضيعون الضحى والقوايل الكل منهم للرديات راعي اليا تقابلنا وجات الصمايل ما ياصل الحروه قصير الذراعي اقولها للناس والشك زايل هذا حسب عرفي وحسب اطلاعي سعود عالي - الجش البعض همه بين قالوا وقايل للخير هدام وللشر ساعي كم فرق من جمع وشتت مايل ويا ما شرى في عرض غافل وباعي خسيس وطبعه شين للسم شايل الجاهل من يسمع مصدق وطاعي محمد ابراهيم الفهيد - الزلفي يا كثر ذولاك النجوس الغلايل تبواض ساس الخلق روس الافاعي جعلت مكايد راع سود الفعايل في وسط نحره كل ما هب ساعي قولوا معي امين صبح وقوايل يا عل دعوه ما تعدي الرعاعي علي الزولاني الفيفي - بيشة قطع الوصل هم سبته قال قايل كم باب شراً فاتحينه صراعي عدوان لمّ الشمل صايل وجايل صنّاعة البغضاء وهم له سواعي رحماك يا مولاي عن كل شايل وتنور أقلوبً مريضه وجاعي خالد بن عبدالله الصفيان - الرياض الحسد مثل النار يا هل الحمايل ما شوف له بين البشر أي داعي وهل النمايم بعد في درب مايل وللحاسدين إفي المحاكم نداعي الغيث يحبسه الحسد حبس هايل وترى الذي مظلوم بالليل داعي محمد العيسى - مكةالمكرمة هم السبب بتشتيت بيوت وحمايل يفرح على النمّات بشتى المساعي عايش على النمّات بقيلٍ وقايل يحش خلق الله بكل اجتماعي لو هو بعيدٍ يفتنك بالموبايل لسانه على التفريق دايم شجاعي سعود بن عبدالعزيز الهزاع - نعام لوْ هو من الأدنين واقصى القبايل إبعد مقرك عن فحيح الأفاعي راع الحسد بالكذب فرق حمايل يصك باب الخير للشر ساعي تلقى مع الأجواد عنهم بدايل خلك عن الانذال مبعد او واعي فهد بن عقيل الطويان - بريدة من يسمع اللي قال يقول قايل تهاه ابمتاهتًن عريضات ضاعي ياناقل النمه اتفرق قبايل الله حسيب اهل القلوب الوجاعي يقول له قولنً بليا دلايل هرجنً على ماقيل كله اصناعي سعد صنهات السهلي - الدرعية الدين وصانا بعدة رسايل وحذّر من اللي بالحسد له مساعي قلوبٍ مريضة ما تعرف الجمايل ما تهتني ياكود شوف النزاعي ترى الحسد محرق وفرّق عوايل وايات ربي عرفت كل واعي عثمان ابراهيم الرشيد - الرياض يا الله يا ربي مجيب المسايل تبعد مساري عن خباث المساعي اصحاب للفتنه وهزل الفعايل تلدغ بسمن مثل سم الافاعي تهمز وتلمز بين صايل وجايل وان قلت كفوا ما حدن لك يراعي محمد الحارثي - الطايف اهل الحسد يامدعين البطايل واهل التكبر للبشر ماتراعي قامت توالف كلبوها شلايل اشكالها معروفة بالخداعي مثل الوباء مافيه حل بدايل ايامها وسنينها في صراعي حمد عبدالله الوايلي - حوطة سدير الخير واسع فيه شتى الفضايل والشر مذموم في بحر وقاعي درب الفضيله دربها دوم سايل كم واحد يصلح ويبذل مساعي والحاسد المعروف بالدرب مايل ترى الفتن والحسد درب الصراعي عبد المحسن المحيسن - رياض الخبراء جرذان دايم لو تبث العمايل ندرك سموم العقربه والأفاعي وللحاقد اللي لغله اليوم شايل مايسمعه ياكود خمة رعاعي عبدالكريم ابراهيم ابن خزيّم - البكيرية اعمالهم تمشي على غير طايل خسارة عمت بكل المساعي تسببوا للمجتمع بالفشايل درب الرجولة بين الانذال ضاعي تنبهوا ياناس عن كل مايل اللي لهم نفث بسم الافاعي علي الرشيد - رياض الخبرا بيت الاسبوع يكتبه للصفحه محمد بن عبدالعزيز الخنيفر من أشيقر حول الحفاظ على النعمة وعدم التبذير ويقول: شفنا النعم بأكوام وسط الزبالات خوفوا من الله لا يجيكم عقوبه نستقبل صدى هذا البيت بثلاثة أبيات فقط تدور حول هذا الموضوع ويفضل الإرسال عبر الإيميل: [email protected] أو على الفاكس 4871070/ 011 ونرحب بطرح بيت الأسبوع وهو من اختيار الشعراء وفي اي موضوع يختاره الشاعر
