نقطة التحذير

سكوتي وصمتك سبّب لحبنا تخدير
هجرتي وهجرت وكلٍ يموت بالثاني
تراها لتعزز سبة البعد والتهجير
أصَل حزنك الطاغي وهو مصدر احزاني
لنا مدةٍ عن بعضنا وارتوي التقصير
ترا الخاسرين احنا وهذا العمر فاني
نعاند وفي حد الجفا نجرح التقدير
أكابر وانا بك مغرمٍ وانت تهواني
ترانا وصلنا بالهجر نقطة التخدير
وانا قاتلٍ نفسي لو انك تحداني
ذبحنا الشغف وقلوبنا علها التفكير
وانا ماقدرت أنسى وصعب أنت تنساني
تعبنا ولاشفنا امن التجاهل خير
حصيل الجفا وش هو؟ تعاني وانا اعاني
تولا الشقا امرك اذا طول التأخير
وابمطر دموع اروي ثمر واسقي اشجاني
مدام الغلا طاغي ولا ينفع التغيير
وبالك معي دايم وذكرك على لساني
وش الفايدة قلي من الصد والتقصير
وكلٍ على ماقيل: ميت على الثاني