شيخة الكل

على مشارف مسمعي لو ثواني
مبطي وانا مشتاق للصوت والطَل
اللي حفيت القى مثيله سباني
من يوم عنّي غبتي يا شيخة الكل
وأنا رفيقي حزني اللي غشاني
تَل الجفا الفرحات من بيننا تَل
يمشي على منهاج حضرة زماني
عشقي كبر ما في المغلّين من غِل
وشوقي كثر ما في عيونك معاني
من شوفتك ينبت على رموشي الفُل
عن شوف غيرك شوفك إنتي عماني
تفرش قوافي الشعر لوصوفك الزّل
شاعرْك أنا.. والواهب اللي عطاني
ومنك العذر لو ناح أوباح أوزَل
في (وش كثر يهواك قلبي) لساني
بنت الكرم يرجيك هيمان معتَل
لو مو عشانك تاصلينه.. عشاني
ودعواي للي جَل من فوق من جَل
يسامح اللي عن عيونك خذاني
الشاعر/ نواف الشلهوب