تعاني وأنا أعاني

سكوتي وسكوتك سبب لحبنا تخدير
هجرتي وهجرت وكل يموت بالثاني
ترى هالتعزز هو.. ذا سبة التهجير
أصل حزنك الطاغي وهو مصدر أحزاني
خمدنا وعزتنا خطاء لانها التبرير
دمر حبنا تهمشينا الهادم الباني
لنا مدة عن بعضنا وارتوى التقصير
وانا ما قدرت أنسى وصعب انت تنساني
غزانا القلق واغتالنا الهم والتعزير
جلبنا على انفسنا الشقا وكلنا الجاني
نطلسم بعضنا ليه؟ نبحث عن التشفير!
ترى الخاسرين إحنا وهذا العمر فاني
سلمنا ولا شفنا لنا أمن التجاهل خير
حصيل الجفا وش هو؟ تعاني وأنا اعاني
نعاند وفي حد الجفا نجرح التقدير
أكابر وانا متوله وأنت تهواني
وش الفايدة قلي من الهجر والتقصير
وكل على ما قيل ميت على الثاني؟!
فيصل بن سبيل الباهلي