تلملم شتات الجموع

صرنا عقب حكمه على قلب رجال
وتلملم شتات الجموع وصفينا
يانسل من حكمه على شعبه ظلال
وبعنا بظله بالرغد واشترينا
عبدالعزيز اللي رسم خط مامال
عليه سيرتوا الأمور ورسينا
اللي بنى الدولة من الجال للجال
وعلى يده ساد النماء وعطينا
من قبل بطشه فقر وشرور وقتال
وفي كل ليلة ضيمنا يحترينا
لا دين يجمعنا ولا راي فصّال
وابليس بانواع الفتن مبتلينا
الشر متعدي على النفس والمال
وإلى تعاهدنا سنة ماو فينا
وصرنا عقب حكمه على قلب رجال
وتلملم شتات الجموع وصفينا
ماعاد نشكي ضيم والخير نزال
وسقنا البشاير بعد ما صار فينا
دستوره القرآن في كل الاحوال
لذا على جل المكارم ربينا
الله يخليكم لنا ذخر وظلال
يامحكمين الشرع فيكم رضينا
أنتم قوام المملكة قول وافعال
وحنا لكم ياروس نجد انتمينا