يمارس لعبة التجريح بتقاني

دخلْت العشْق منْ بابه وله منزال
بوسط القلب بحساسي ووجْداني
ولكن لي صحيب والنوايا علال
يمارس لعبة التجريح بتقاني
على جرحي يغني لحنه الموال
يعزْف مْن البيوت اشكال والواني
ميادينه جروحي صال فيها وجال
على كلّ المشاعر شنّ عدواني
نسى وقتا مضى امحطّم الآمال
تلاشى وانتهى ماهو ب شفقاني
حملْت مّن العنى اللوعات والغربال
همومٍ معْ هواجيسٍ تغشّاني
يبيع الحب وسنينه غريب احوال
نسفها زاد في حسراتي واحزاني
وانا من باعني بعته ولو بريال
بسوقٍ سلْعته في رخص الاثماني
نزعت الصفحه اللي زافها المحتال
نسيت اللي حوت والراس صنياني
تجارب والتجارب تصقل الرّجّال
يعرف ان الهدف محتاج نيشاني
مقرن بن متعب الهرف