اكتب كلامك

قل ما تبي وأكتب كلامك قصيدة
وارسم أهروجك يا حبيبي بالأبيات
لأجل السوالف من لسانك إمفيدة
أحلى من الشهد المصفِّي ابمرات
يا ريم نجد وصار لي حظ صيده
يا مطفي من لاهب بالقلب حرَّات
قبلك وأنا قلبي شديداً حديده
واليوم تلوينه بالأصباع ليات
هذا تبينه يا غرامي وأريده
مطالبي وامناي كله سموحات
يا شمس عمري يا سماي البعيدة
يا ريف الأيام الأعجاف الهزيلات
هرجك نغم وإن قلتي رأي سديده
وإذا زعلتي كنَّها طيف غفوات
محمد إبراهيم البطي