افرح واغني بيوم العيد في شوفها

اللي بها كل ملح .. وكل زين .. ودلال
ياليتها كل عيد تنقّش كفوفها
واشوف لون الخضاب اللي له القلب مال
وافرح واغنّي بيوم العيد في شوفها
من حسنها ماتلبّس غير تاج الجمال
تزهى ذهبها .. وزينتها .. وفنوفها
كل الغزل مايوفّي حسنها لو يقال
وماهوب يحصي مزاياها مع وصوفها
حبيتها حب عذري باقيٍ لا يزال
ونقشت في وسط قلبي كامل حروفها
مانيب ناسي محبتها على كل حال
بحفظ لها عهدها بالوصل وحلوفها
وهي بعد مانستني كل ما جا مجال
راعت ظروفي وقمت اراعي ظروفها
اللي بها كل ملح .. وكل زين .. ودلال
يارب في كل عيد بعمري اشوفها
أحمد السكران