الطموح

الإهداء.. لكل نجاح جاء بعد فضل.
يا صاحبي كأنك لشوفي تمنيت
جيتك يا خلٍ يبهج البال شوفه
لا تشكي الفرقا وأنا مثل عانيت
فرقاك يوم الوقت جارت ظروفه
لك صاحب واللي فرض حجة البيت
تتل قلبه من معاليق جوفه
الى ذكر وقت مضى قال ياليت
وقامت هواجيس الضماير تلوفه
ومدامني يا غايتي بك تحليت
لوعات بعدك في لقاك مخلوفه
تحكي لي عيونك ولو ما تحاكيت
نظراتها مكتوب وأقرأ حروفه
تقول ما غيرك من الناس حبيت
وأقول مثلك نادراتٍ وصوفه
دام الغلا في قلبك مشيدٍ بيت
شرع لبيبانه وكرم ضيوفه
وإن كان تنشد فالزمن ويش سويت
قلت الطموح أكبر من اللي نشوفه
سقت الهقاوي في طريقي وعنيت
نفس ما تشكي لو لحقها كلوفه
في مجاهد الدنيا كم أقبلت وأقفيت
ذيب يحوف وقدرة الله تحوفه
واليوم ياللي ما لغيرك تمنيت
جيتك ياخل يبهج البال شوفه