عيدية

سلام عيدية يناسب فرحت العيد السعيد
لأحلى مهاة شفتها من بين ترفات البني
لها بقلبي حب عذري من محبتها يزيد
لاوالله الاالقلب هي وانا بقلبي معتني
لبى الخضاب اللي زهى يدها مع الثوب الجديد
لبى العيون اللي بها عشقي وفيها موطني
احد يكمل فرحته مليون يودع بالرصيد
وأنا بشوفة نور عيني طول عمري مغتني
ياليتها جنبي ولكن التمني مايفيد
لاشك يكفيني مدام ان المهاة تحبني
اليوم عيد وذكرها بالقلب زاد العيد عيد
يعني ولوماشفتها بالذكر دايم مهتني
لوكان فرقاها عذاب..الرب يفعل ما يريد
يالله ياربي بحيلك ياعظيم تشدني
ان جيت ادور في تماثيلي وابي بيت القصيد
شفت اسمها من بين قيفاني عليه يدلني
يازين حب بيننا طول الليالي مايبيد
مافيه مخلوق بكل الأرض عنه يردني
الله يهني غايتي في كل يوم وكل عيد
اللي ماغير سرورها في هالحياة يهمني