صويب الحب

ياللي خذيت أحلام عمري وصديت
ماتدري أني من عنا البعد منصاب
تركتني والصبر طول ومليت
ياكيف اباصبر عنك يااعز الاحباب
راحت سنيني ياهوى البال وابطيت
ماجيت يوم الجرح في خافقي ذاب
أنا صويب الحب ياساكن البيت
واناعشيقك وازرق الدمع سكاب
ملكتني يااللي بغيبتك عانيت
من زود مافيني تحملت الاتعاب
قلبي يحبك كان بالقلب حسيت
والله يشهد دونك الهم ماغاب
حتا الحياة أحزان منها تشقويت
في غيبتك ماللعمر طعم وحساب
بادر بوصلك يابعد كل ما اغليت
تراك نون العين من بين الاهداب
نواف محمد الصخابره