غيابك طال

ياللي غيابك طال وبحقي اخطيت
هذا شهر ما أشوف للوصل نية
هن كانت أسبوعين لكن تماديت
في غيبتك كنك تنفذ وصية
لعبت بأعصابي ولا قلت مليت
لا راح أقول باكر مجية
عانيت بغيبتك أنا حيل عانيت
يابغضني للبعد يا رحم حيه
عقبك مشاويري من البيت للبيت
أخاف لا دقيت ماني هنيه
الله يا إني في غيابك تحريت
أثر المفارق صعب ماهو شويه
هذا شهر وش عاد لو إنك أبطيت
والله لتلقى لك هنيا ضحية
البارحة ما بين يمكن ويا ليت
وإبليس يتركني ويرجع عليه
فكرت لو طول غيابك ولاجيت
يعني كذا روحه ومن غير جيه
خانتني الدمعة وطاحت وصديت
ملعون ابو التفكير يذبح خوية