سلمان الوفاء

بين الرياض وسمو وزير الدفاع الأمير سلمان حفظه الله، وفاء وحب كما لكل ذرة تراب من أرض هذا الوطن الغالي..
الأمير سلمان حفظه الله، مدرسة الوفاء التي تتعلم منها الأجيال..
وجه الرياض أبيض مثل قلب سلمان
اللي عطاه من العمر فوق خمسين
خمسين عام كلها يا بليهان
هتان وابلها ورود ورياحين
الناس لا قالوا وفا، قلت: سلمان
اللي خلقه الله يعدل الموازين
حصن الدفاع اللي على مر الازمان
مثل المطر يروي شفوف الضعيفين
أبو فهد سلمان.. سلمان.. سلمان
تكفي حروف اسمه عن أية براهين
الى اكترب كون الضحى بسرج وحصان
مقدام تلقى له أثر يبهج العين
حر يجي له بالمهمات برهان
كنه ابوه اللي يريف المساكين
عبدالعزيز الصيرمي ذرب الايمان
لانادوا معزي غدا عسرها لين
وجه الرياض ابيض مثل قلب سلمان
وسلمان حبه في قلوب الملايين
عبدالرحمن بن محمد الفاضل