الشاعر والإعلامي فرحان المطرفي مدير تحرير صحيفة (الندوة) بالرياض قصيدة إهداء لصاحب السمو الملكي الأمير الوليد بن طلال بن عبدالعزيز آل سعود حفظه الله المنشآت اللي هدفها استثمار ويدورون الكسب والكسب غالي ينصون ليث يعطي الراي ويشار وليا عطى شوره غدا المرّ حالي يم الأمير اللي له الصيت واذكار هذا الوليد اللي برايه عدالي دايم نشوف رجال مالٍ وتجار لكن من مثل أبو خالد محالي هذا الأمير الصيرمي وافي الاشبار زيزوم صعبات الأمور الثقالي فعال فاعل خير صيروم بتار صامل صمايل هقوته بالعلالي سليم راي وناجح أفعال وأفكار دايم ذكرت الله عليه ارتجالي يبهرك لا جيته ويلفت له الأنظار حنكه، ذكا، فطنه، دهائه، رجالي من جالسه مرة يجي منه محتار عقل وفراسه ما عليها جدالي وبالجانب الانساني اكثار وكثار يعطي عطيات كبار جزالي عون الضعيف اللي من الضيم منهار وزبن الفقير اللي من المال خالي حلاّل عقداتٍ صعيبات وعسار فارج هموم اللي طوته الليالي مدّت يمينه في عطاياه تكرار تعودت يمناه مد الغوالي حرٍ معرب من صواريم واحرار حفيد أخو نوره بعيد المدالي وصفه كما اللي لا برق الريش نثار حر مراقيبه طوالٍ عوالي يحماه رب البيت علام الأسرار اللي على كل المخاليق عالي وصلاة ربي عد ما طاحت أمطار على الرسول اللي على الكل غالي
