(عاجل) تزف البشرى .... إنهاء معاناة أفراد الدفاع المدني بالقصيم والدوام الجديد سيطبق قريبا ..

أكدت مصادر مطلعة لصحيفة (عاجل) أن مشكلة أفراد الدفاع المدني بمنطقة القصيم الميدانيين والتي تتلخص بمواعيد دوامهم الرسمي ( 24×24) في طريقها للحل الجذري بعد أن نجحت الجهود بتأمين عددا من الأرقام الوظيفية والتي ستوزع على المتخرجين الجدد من مركز تدريب الدفاع المدني بالقصيم ليصبح العدد الإجمالي يسمح بتطبيق ( 24×48) أي دوام يوم كامل مع راحة لمدة يومين حيث كان لنقص الكوادر الوظيفية دور كبير في الضغوط التي تواجه افراد الدفاع المدني بالقصيم وتتسبب بانهيار كامل لنفسياتهم واختلال بأوضاعهم الاجتماعية ..
المصادر أكدت أن مدير عام الدفاع المدني بالقصيم العميد فهيد بن فرحان الفايدي كان له جهود كبيرة في حل مشكلة الأفراد ورفضت المصادر تحديد موعد ثابت للبدء بالدوام الجديد لكنها كشفت بأنه لن يتأخر كثيرا ..
بالتوفيق لسعيدان
والله هذي من دعاوي الوالده لي والله انها راحمتني وانا كل يوم الصبح داخل ولا طالع
الللللللللللللللله يبشركم بالجنه بس اخاف لايكون هذا ما يسمى التخدير الاعلامي من قائد منطقه القصيم العميد فهيد ,,
والله من جد هذا احلى خبر سمعته بحياتي يعني الحين اقدر اخطب واتزوج بدون اي مشاكل والله ماردني عن العرس الا هالدوام التعسفي ..
احب اهني جميع افراد الدفاع المدني بمنطقه القصيم وعلى رأسهم الغربي بهذا الخبر
بس ان شاء الله مايتأخر تطبيق نظام الثلاث ورديات تراى ملينا يا فهيد والله حامت تسبدي من الدوام شف لنا حل الله يرحم والديك
تحيااااااااااااااااتي لكم (عسكري حكيم ومحنك وقائد )
ابو حمد الشمري وموسى خلف الف الف مبرووووك
احلى فيه ورديتين الله يبشركم بالخير والله ونااااااااااااااااااااااااااااااااسه
دفاعنا ونااااااااااااااسه
يااخ سلطان ليش ماحددت الوقت لاننا دايم يواعدوننابس مايحددون الوقت الى متى ننتظر لنا تسع سنواات كل سنة يقولون بعد سنة مو اول وااحد يصرح انت فية كثير ياتون بااخبار زي خبرك لاكن لاحد يجيب
اشكر ابو عاادل علي جهوده
وباارك لي افرااد حي الملك فيصل وعقباا ل بدل الارهاب يجي بعد
الله يخلف لاجديد
هذا الكلام نسمع فيه من عام 1402ه الى الان
لايصير زي العاده نبشركم فعلنا وفعلنا وفعلنا,,,,
وبالنهايه تقاعد من العسكر الكثير وهم ينتظرون تفعيل الخبر
لاكن الله يكتب الي فيه خير وبركه..
تحياتي
العقبى عندنا ياهل القريات ملينا من الواسطاااات
يوم بيوم قطعت ظهورنا والله
رساله الي الامير نايف بن عبدالعزيز حفظه الله
رساله الي الامير فهد بن بدر حفظه الله امير منطقه الجوف
رساله الي التويجري
عدد الافراد اللي تم تعينهم بالقريات من سبع سنوات وقرابه 150 عسكري وينهم هلحين
كلهم انقلو للجوف بالواسطات يعني اللي بقى تعدهم على اصابعك ومن نفس المنطقه
اخر دوره تخرجو قبل شهرين 35 عسكرو تعيينهم بالقريات والله العظيم نقلوووو بالواسطه والله ولاواحد فيهم باشر القريات والله قووه الظلم
(يعني يامدير الاداره اى كلمه مصيرك مصير المدير اللي قبلك نقل خارج النطقه )
(لاحول ولاقوه الابالله
الشكوى لله
يا سلام انا عندي مطعم مندي وعلى كذا بندبل الارباح
من اليوم ورايح مافيه الا مندي وذبايح
اوه ...نسيت الشطة
الخبر غير صحيح
وانما العميد الفايدي افاد بانه لن يطبق الدوام الجديد واختار 5 افراد من المنطقه لشرح معاناتهم للفريق التويجري وهذا الكلام انا مسئول عنه
والله العظيم والله العظيم والله العظيم والله العظيم والله العظيم
ولابعد ولابعد ولابعد
35سنة يطبقونه يطبقونه يطبقونه
أكبر ؟؟؟؟؟؟؟؟؟؟؟؟؟
وش قالوا قالوا همنا الفرد والله مادرو عنه
تحيااااااااااااااااتي لكم (عسكري حكيم ومحنك وقائد )
ههههههههههههههههه
الله يقلع عدوك يا ابو سلطان فطست عليك ضحك
اللهم لك الحمد واخيرا يبون يريحونهم بس هل سيطبق الله اعلم والسلام خير ختام
انالي الان 16سنه واسمع انهم بيشكلون الدفاع المدني 24×48 وكل سنة على هذا الموال في 1/7 او1/1 ولا شفنا شي
ان شااللة يصير صحيح بتوفيق لنسيبي في الدفاع المدني
انا لي 16 سنة وانا اسمع بي 24×48 والله ان تبطون وانتم تسمعون هذا الخبر
هذاخبرانشاء الله حلو وابارك لافراد وحدةالصفراء وعقبال تطبيقه
ياسلام
وش هالتعامل البهيمي مع البشر
انا لست عسكريا ولكن والله تعاطفا معهم 24
في 24 حتى الحيوانات في السابق لم تعامل بهذا الاسلوب
بعدين ياعالم هولاء هم افراد دفاع مدني هم من سينقنا بعد الله لو حصل اي مكروه لا قدر الله
من المفروض ان يعاملو معاملة خاصة وليست معاملة عسكر
سعادة مدير عام الدفاع المدني اين انت من هذا كل هل لديك نقص في الكوادر عذرا اقبح من ذنب
هولاء الشباب بالالاف وليس بالمئات كسرو البوبات من كثر تزاحمهم على التقدم اليكم
ماهو عذرك بعدك
الف الف مبروك ان شاء الله الخبر صحيح
التوفيق للجميع بكل المجلات
ون شاء الله بدل الارهاب على الطرق
لان الدفاع المدني هو الوحيد المحروم من بدل الارهاب
وهو الاول في مباشره الحوادث الارهابيه وغيره
والدليل على ذلك حادثه الرس ومعداته المتثره من ذالك
وشكرا للجميع
الله يبشركم بالخير
والله ثم والله انهم يستاهلو اهل القصيم
وعسا ربي يفرحكم دوم
بس لاتنسو ان رمضان اقب علينا وبتكثر الاجازات وخلافه
يعني احسبوها صح
تحياتي لاهل القصيم وخاصة افراد الدفاع المدني
24 ساعه مستلم 48 ساعه راحه واجازه شهر في السنه واجازه 15 يوم اعتياديه 10 ايام اضطراريه يعني بالمختصر كم داوم في السنه
يعني داوم الفرد شهرين وعشرة ايام واستلم راتب سنه ياحظكم يا الدفاع المدني والله العظيم فله ما ابعدها فله مدري ليش التذمر احمدوا ربكم واشكروه.
الف مبروك لازملائنا بمنطقة القصيم
وعقبال باقي مناطق المملكه
لن الخبر الذي وصلنا انه سوف يطبق بعد الحج في منطقة القصيم وهذا مجهودات طيبه
اتمنى من الله ان يعم به مناطق المملكه اسوه بمنطقة القصيم
كل الاحترام لسيدي مساعد وزير الداخليه الامير الشاب محمد بن نايف فهو بلا شك خلف كل انجاز و خلف كل موقف لصالح منسوبي وزارة الداخلية
الف مبروك اللي عطاكم بالملعقه يعطينا بقفاها هههههههههههاا
السلام عليكم ورحمة الله
الحمد لله على كل حال وأبارك لمنسوبي الدفاع المدني .....وعقبال التطبيق .
وتعليقا على اخوي الوادعي هناك مقوله الاوهي
(اذا الكلام من فضه فالسكوت من ذهب ) وكذلك (قل خيرا والا فاصمت ) بارك الله
فيك إستخدم قلمك لما يبهج اخوانك المسلمين اما اذا مسئلة كلام فارغ فارجو منك
ان تجد مكان اخر لهذا الكلام .
اما مسئلة الاجازات فجميع القطاعات الحكوميه لها نصيبها من هذه الاجازات .
تحياتي لكم .
والله انه كذب في كذب
وبعدين يابوعلي الوادعي انت معلوماتك خطأ الاجازات شهر و10 ايام اضطراريه
وبطلعة الروح تجيك ويحسدونك عليها بعد
ولاتنسا الانتدابات القرف شهر برمضان و20يوم في الحج وغصب عليك تروح واذا جبت عذر جتك محاكمه عسكريه ولا تقول اجر الاجر عند امك وعيالك تربيهم برمضان والاجازه
وفلوس الانتداب تصرفها هناك اكل وشرب وقطة سكن وتنقلات
وخل عنك الكلام الفاضي و\"فاقد الشي لايعطيه\"
و انت شكلك ماتدري وش السالفه
السلام عليكم ورحمه الله وبركاته
والله العظيم اني اداوم كل صباح من الساعه 9 وتدون كم واحد عندنا بالدفاع المدني بالحديثه 5 بالفرقه الواحد بالله مو هذا ظلم واستلم باليوم 8ساعات خفاره بالباب والله اني مااذوق النوم بس اقول لاحول ولاقوه الابالله ,والله نفسيه من قل النوم صرت اكل الحبوب هذ هم الى هم يبونه تدون كم واحد نستلم ثلاث افراد بالخفاره بالله مو هذاا ظلم وانا طوول الليل سران وحتا الاجازه بطلعت الروح اخذهااا والله على ماااأقول شهيد .
السلام عليكم الخبر غير صحيح انما اختار الفايد عدد افراد تقريبا 5 يكمل فيهم للرياض للواء التويجري ... يشرحون معاناتهم ..
لكن اتمنى من صحيفت عاجل الحبيبه ان تعمل تقرير كامل على مراكز القصيم وتوضح لولاة الامر معانات افراد الدفاع المدني المظلومين بالدوام الجائر .. والضباط والله موسائلين عن الافراد ...
اتمنى اتمنى من كل قلبي تاخذ بكلامي صحيفة عاجل ممثله برئيس تحريره ويسون تقرير يوضحون للعالم وولاة الامر معاناتنا والظالم اللي واقع علينا ..
اتمنى يهتم الاعلام بوضعنا حنا مانفرق عن المدرسين .. حنا نعرض انفسنا للخطر كل لحظه .. ليش الصحافه مو مهتمه فينا ولا بوضعنا اتمنى من كل قلبي صحيفة عاجل توصل صوتنا ومعانتنا لمحمد بن نايف والا الضباط غاسلين يديننا منهم ...
الفرقه
العمليات
السلامه
ماشاء الله اجل نحول فرقه
هههههههههههههههههههه
والله تفاجئت بالخبر يوم قريته
احنا بالجنوب ماشين على نظام الثلاث ورديات من السنه الي فاتت
والعمل ماشي
والله يييسر لكم ويتعدل الوضع قبل رمضان
اما الافراد الي راحو للتويجري فعز الله انهم بيرجعون بخفي حنين او الجنايه على زملائهم بالمناطق الاخراء
لان المهزله الي صايره بالدفاع المدني ((من نظام الورديات .......... وعدم صرف بدل ارهاب ................. وتاخير في الترقيه))))
سببها التويجري والشلة القريبه منه
رساله الى ابومبارك يقول(افراد الدفاع المدني المفروض يعاملون معامله خاصه ليست معاملة عسكر ) ليش العسكري ماهو بشر الله يهديك
مبروك لجميع الافراد بمنطقه القصيم هذا الخبر ونتمى من صحيفه عاجل الاهتمام بالموضوع حتى يطبق النظام لان الوعود كثيره ولا وش رايك يابو سلطان اجل محنك والله انك ادربيه وتحريك من البزوع الي يبي يزوجك وانت كل عمرك ترسم بط
ههههههههههههههههههههههههههههه
نقص كوادر
افتحوا باب التسجيل وشوفوا العدد متقدم كم
كم تبون بس عشرة الالف عشرين الف
بس تدللوا قالوا نقص كوادر بشريه
شفهم متسدحين لاشغل ولا مشغله
وظفوهم تكسبون اجر فيهم
ههههههههههههه كوادر مافيه ونفتح باب التسجيل ولا احد يجي كلهم توظفو
هههههههههه
تصريحات تقهر نقص ولايوظفون
نا اقول ياافراد الدفاع المدني :
ارجوا رب العالمين رب الدفاع المدني
ياافراد الفرقة الميدانية لا ترجون فلان وعلان
ترا مديركم
مايقدر اذا الله ماأذن له
وأدعوا الله.........أرفعوا ايديكم اليه
اتقوه
أكثروا من يا ذا الجلال والاكرام ياحي ياقيوم ياأحد ياصمد .. يا
أكثروا من قول استغفر الله
___
غيروا من حالكم
لأجل يغير الله حالكم
(ان الله لايغير مابقوم حتى يغيروا مابأنفسهم)
___
كان الرسول اذا اهمة امرا فزع الى الصلاة
أنتم جماعه
تكاتفوا بينكم فيما يعزكم وينفعكم
يدا واحدة على الخير
العقبه لحرس الحدود يوم يتحسن وضعه
والله انه حلم ابليس بالجنه يا افراد الدفاع المدني بالقصيم ماراح تتطبق وعندك مدير منطقه مايديره ولو انه يداوم زي دوامكم عرف معاناتكم ومعاناة اطفالكم واهاليكم اللي نصف عمركم بتقظونه بالدفاع المدني لكن املكم كبير باميركم فيصل والا وزير الداخليه عسى الله يطول بعمارهم ادعو ان الله يامرهم ويلتفتون لكم وتقبلو تحياتي
قصيده بوضع الدفاع المدني بمنطقة القصيم
قالوا تكلم قلت يالربع بيتين$$ بوضع الدفاع وصيغته واستلامه
انبادل الايام بأربع وعشرين$$ من خوف لايلقا علينا ملامه
مديرنا ننخاه بأول وهالحين$$ من عادة القايد مقامه وزامه
يعدل الاوضاع بحكمه وتحسين$$ العسكري وده يحسن دوامه
واسند لأبو فيصل زبون المخلين$$ الله يحقق بالمكارم مرامه
هو خالد العوده على منهج زين$$ يفرض على العاقل لزوم احترامه
يفزع بجهده يمنا مابها شين$$ الحق مثل النور يجلي ظلامه
ولاني بقاصرها سلوم وقوانين$$ يم العقيد اللي يقود الجهامه
راعي جهود بالمعالي مثامين$$ اللي على الامجاد سير نظامه
فهيد بن فرحان وين الوعد وين$$ الحر وعده دين يافي كلامه
ياعقب ناس بالمواقف مسمين$$ من راس باس وساس مابك رخامه
وياجهز بن عبيد قولي براهين$$ يابن الرجال اهل الوفاء والحشامه
يانايب المدير يأبن الشريفين$$ الله يصونك عن درب الندامه
توجيهكم دايم بحكمه وتمكين$$ العز صرحه معتلين سنامه
بظل الملوك اللي زحول وسلاطين$$ كسابت الطولات بعرف و فهامه
لاجاء نهار وامتلأ باللغاء الشين$$ عدوهم يبغاء الفكك والسلامه
وحنا هل الوقفات وحماية الدين$$ دون الملك هو الوطن والكرامه
وقفاتنا دايم على العسر واللين$$وعدونا مايهتني في منامه
وشعارنا معروف نخله وسيفين$$ شعار السعود وللعداله علامه
بأمل السعود وبأمرهم مستعدين$$ والأمر نفخر به وفعله وسامه
امر الملوك اللي على الراس والعين$$ امر عزيز ومستعز مقامه
ولاهمنا من يجنح يسار ويمين$$سم الصقطري والسلاسل لجامه
ينكف معيف ويرهجنه طواعين$$ ان انهزام ولا تدانا عدامه
وهذي تحيه لرجال الشريفين$$ من والي الالباب لأهل الشهامه
الشاعر : عبدالله بن صالح الصبيحي
الكاتب : فهد حمد التويجري
وقفة احترام وتقدير لكم يا بواسل
رجال الدفاع المدني بمنطقة القصيم
الحصن الحصين لوطننا من الكوارث والمصائب
وأشهد شهادة حق أنكم تبذلون أقصى طاقات ممكنة في أداء عملكم
الذي يستوجب التضحية
تحية لكم جميعاً
مأساتكم واضحة ولا تحتاج إلى تفصيل فأنتم بشر
يصيبكم من التعب والهم ما يصيب غيركم
وإن شاء الله بإن معالي مدير عام الدفاع المدني الفريق / سعد بن عبدالله التويجري
وعلى رأسهم صاحب السمو الملكي الأمير محمد نايف بن عبدالعزيز
لن يتركوا رسالتكم تمر مرور الكرام
ولكن تحتاجون من يوصل رسالتكم لهم
فهم يقدرون ويحترمون وجهات النظر ويحرصون على راحة الجميع وتوفيقهم
لابد في البداية بأن ترفعوا للمسؤولين عن الدفاع المدني في المنطقة
وإذا لم يتجاوبوا فأرفعوا للمسؤولين
وان شاء الله لن يخيب الله ظنكم وضن اولادكم
تحياتي لكل رجل أمن يسعى للحفاظ على دينة ووطنه ،،،،
والله ان يبطوووون الفايدي لو يبغا نفذ من زمان ولكن لا بد من اتخاذ خطه قويه لتصل هذه المعاناه لسيدي محمد بن نايف