أحاسيس وقوافي

حين تقرأ الإحساس الراقي تشعر بأهمية تلك المشاعر الشفافة ، وبشموخ الموهبة ، وروعة الإبداع .. فتبقى تلك الأحاسيس والقوافي الجميلة تخاطب عقولنا، وتسكن قلوبنا ، ويحلو لنا ترديدها، فالأحاسيس .. هي عاطفة إنسانية تنبع من الأعماق ، وتنبض بها القلوب ، وتترجمها القوافي ، فنستمتع كثيراً عندما نقرأ أو نسمع تلك الروائع من الأحاسيس النقية والشفافة ، ومن تلك الأشعار الجميلة نختار هذه الأحاسيس والقوافي للشاعر المبدع سالم سيار :
عسى ما ازعلتك البارح وزودت الجراح جراح
عسى ما مرت الدمعة على اهدابك من اسبابي
جرحتك من كثر شوقي وخليت الكلام رماح
ولا ادري شلون ياعمري طعنتك حيل بعتابي
بدون شعور صدقني ترى كثر الغلا ذباح
تعال وشوف بغيابك غلاك شلون سوابي
حرام تغيب من عمري وتعطيني الفراق وشاح
حرام الدمع في عيني مناديله هي اهدابي
غيابك يشغل عيون الزوايا وامتلئ اشباح
وانا انثر صوتك بقلب المكان واشعل ابوابي
تلفت للأمل دام الرجا في عمري الملواح
اناديلك ولو شرهك وصولك تقطع اعصابي
ابيك الجاي من عمري انا مابيك شي وراح
مدامك اجمل وآخر مدامك اول احبابي
ابي ارتاح ياعمري انا ادري هم تبي ترتاح
تعال وقبل ما افرح ترى تفرح بك ثيابي
أحبك .. أحبك يا بعد عمر الحزن والجرح والافراح
أحبك .. أحبك كثر ما نامت عيونك داخل اهدابي