يانائب العاهل وسور المملكة وحجابها

مبروك يا امير السعد والعز يالسيف الشطير
يانايف اللي نايفاً سماء الغلا وهضابها
يا اميرنا المحبوب حبك ساكناً وسط الضمير
وسط الضماير والعيون اللي كستها اهدابها
هاضت هواجيس المشاعر بعد ماجاها البشير
انك ولي العهد والبيعه كسبت اعجابها
والعاهل الضرغام ياكدها بتحديد المصير
يانائب العاهل وسور المملكة وحجابها
ياحجابها عن كل طامع وانت ف اليوم الخطير
العز بعد الله وسيف المملكة وانصابها
ياعون ابو متعب على الطاله وياحد الشقير
ياستر من تنخاك لامن طوحت جلبابها
يافزعة المضلوم واللي يشكي الهم الكثير
بشرته بالسعد قبل العدا تدق شنابها
يامطور الامن السعودي عشت مامثلك وزير
قواتنا من حنكتك كلن يحسب حسابها
محمد بن عايض القريشي