لوحة

كل الشوارع توقّّف بي على بابك
واهرب عن الناس لآخر ركن في غرفة
وألقاك بالروح وأهدابي على اهدابك
هناك اعيش الغرام اللي لقى حتفه
هناك اذوق العذاب اللي من اسبابك
هناك في وحدتي ما تضحك الطرفة
هناك في وحدتي تتعبني اتعابك
في ركن عاشق عيونه حدّها سقفه
أتنفّس آهات وابكي ضحكة انيابك
هناك ينزاح نصف العقل عن نصفه
هناك تستأذن الكفّين جلبابك
هناك ألاقيك شيٍ مختلف وصفه
وأحسّ بالعزّ لو وجهي على ترابك
ولأجلك أباقف ولوتتعبني الوقفه
مكان ما صرت انا اوّل وآخر احبابك
اماّ لقيتك وصافحتك ولو صدفه
وإلاّ لفظت آخر انفاسي على بابك
عبد الله عطية الزهراني