مراسيم دعمه للوطن تشرح البالي

ألا يا الله إني طالبك يا عزيز الجاه
توفق ملكنا يا عليم بالأحوالي
مليك القلوب اللي نحبه ولا ننساه
مدات كفه كنها المزن همالي
إذا مد دايم تفعل الطيبه يمناه
وتسمع قرارات تصدر كما التالي
دعم كل ما يحتاج له دعم لين أغناه
(مراسيم دعمه) للوطن تشرح البالي
أبو متعب اللي بالوفا ما خير حلياه
اله في سنام المجد مرقا ومنزالي
فخورٍ بشعبه والمواطن يحب رضاه
ودامه بخير بلاده بخير لا زالي
يسجل له التاريخ صفحات لو تقراه
صروح البناء تبقى على مر الأجيالي
عسى الله يديمه للوطن والوطن في حماه
وحنا جنوده كان جور الدهر مالي
أبو متعب اللي كل مدح يبا يزهاه
كريم لشعبه بالعطا ما له أمثالي
عسى الله عن شعبه بخير العمل يجزاه
وعسى الله يطول عمره سنين طوالي
مليك كريم عادل جعلنا نفداه
على الشعب غيث وللوطن درع وظلالي
سعود بن بدر بن شبيب العواصاني المقاطي