ياماحلى الشعر لاجل رضال

أنا أشهد إن السهام اللي أرسلتها صابت
وسط الحشا والجرح صار اليوم جرحيني
جرح نسيته يوم الشمس به غابت
وجرح ذكرته يومك فيه تكويني
الحب والأشواق وسط القلب لك ذابت
ممزوجة بالدم تسري في شراييني
كل المشاعر والتعابير لجل رضاك انسابت
يا ماحلى الشعر لجل رضاك يرضيني
يا بنت العذاري بحسنك مابعد جابت
مع حسن ذوقك بعد منطوقك الزيني
خدك وقدك حرام العين ما تابت
لرضاك ياروحي طلبت الله ترضى عني
ودك وحبك إذا الأيام لك طابت
تطيب لي من طيبك الأشواق وتجيني
فهد سعد الحربي - الرياض