خادم بيوت الله وهذا يشوقه

شفت السحاب اللي تكاشف ابروقه
اللي ليا منه هطل يروي القاع
هذا مثل شعري ليا جيت اسوقه
في حظرتك يا سيدي وافي الباع
هواجسي في مدح مثلك شفوقه
واسمك يخليها تفنن بالابداع
يالحاكم اللي ماش شين يعوقه
يطوع اللي يجعل الخصم مطواع
قول وفعل وإن قال شين يفوقه
عبدالله اللي بالمواقيف بتاع
وحب التواضع جارين في عروقه
يجري سوات الدم في كل الاوضاع
وكفه بفعل الخير دايم سبوقه
تسمع علومه وأنت مرخيت الاسماع
خادم بيوت الله وهذا يشوقه
عن خدمة البيتين ما فيه مرجاع
وقلبه على شعبه لازادت افتوقه
وشعبه على شانه يشيلون الاوجاع
يعني كلاهم مثل جفنً وموقه
وألا كما قلبً يحرسنه أضلاع
عبدالرحمن عبيد المخلفي