مايفرض عليك التحمل

إن جتك من جاهل مذمة تحمّل
وأخسره لأنه مثل ماقيل جاهل
مذمته لك تعني إنك مكمل
وراع التطنز تذبحه بالتجاهل
خلك جبل وأصبر لو الصبر كمّل
شد العزوم ولا يجيها تراهل
أقطع أمله إن كان لإيذاك أمّل
وحذراك والطيبه معه والتساهل
حسّسه من زلاته إنه مهمل
خلك بأبلغ رد جاهز وآهل
مافيه مايفرض عليك التحمل
كثر التحمل يعني إثقال كاهل
الحلم خله ديدنك لاتهمل
وماجاك بالساهل تخسره بساهل
وعند المواجه في عيونه تأمل
إحساس مذنب يعترف عند عاهل
الله يجمل حال منهو تجمل
ومن قدرك جازه بعذب المناهل
خل التردد كلما القلب صمل
وخل العلوم الغانمه له مداهل
أبعد عن اللي مجلسه دوم يمل
وبالله تعوذ من جهل كل جاهل
سعد الشليل