يا بو متعب جعل ما صابك طهور

يا بو متعب جعل ما صابك طهور
يا حبيب الشعب يا نور العيون
نطلب الرحمن يكفيك الشرور
يا كريم النفس يا القلب الحنون
اعتناها الشعر من صدق الشعور
واعتناها الشعب من حب وشجون
في وجودك صارت الدنيا زهور
واكتسى شعبك من الفرحة فنون
انت وجه الخير في صبح البكور
يشهد الله والخلايق يشهدون
وانت بدرٍ كاملٍ بين البدور
وانت قدوة بذل للي يبذلون
وانت نجم سهيل في البشر وظهور
جعل قدرك لا يضام ولا يهون
وانت للرحمة سواعدها الحضور
وانت للشدّات من فوق الظنون
وانت نبض الحب نور فوق نور
بك معاديم ويتامى يسعدون
وانت شهر مكتمل بين الشهور
وانت عام الغيث ربعك يعصرون
من ندى كفيك باحات وسرور
تعشب الباحات من غيث المزون
الشِّعِر واهله وكُتّاب النّثور
كلهم في جانبك ما ينصفون
لو يقاس الشعر با مواج البحور
في الغزارة والبلاغة والوزون
أو كُتِب في النثر مليار السطور
في المديح آظن دونك يقصرون
موقفك يبقى على طول العصور
يحفظونه جيلنا واللاحقون
جعلها الله في موازين الأجور
في نهار والبشر يتحاسبون
يا ملكنا الشعب كله بك فخور
يوم تدعيهم يجونك يهرعون
حن معك دون الوطن درع ٍ وسور
ما نهاب الموت في يوم المنون
حن لها حتى توارينا القبور
في سباقٍ للفدا يتنافسون
عبدالله الطنيني