تستبشر الدار قاصيها ودانيها

استبشري وافرحي يا دار عبدالله
يا الديره اللي تسمى باسم راعيها
العود ثبت قواعدها على المله
بالعدل والسيف أبو حدين واليها
وعياله أخذوا طريقه طبع وجبله
طبع البشر ما تغير عن مباديها
ثم سارت القافله ما صابها خله
أتدوس روس الأفاعي لين تنهيها
واليوم نفرح ويفرح دارنا كله
وتفرح شعوب السعوديه ومن فيها
يومن سلطان عود والخطر زله
تستبشر الدار قاصيها ودانيها
جعل الليالي طويل العمر تمهل له
ويلبس ثياب السلامه ما يوطيها
بعد المليك الشعوب تعيش في ظله
ولي عهد البلاد ودرع أراضيها
كم دمعة مشها بالخد منهله
يمسح دموع اليتامى ومتبنيها
وكم من سجين وقف دونه شفيع له
واعتق رقبته من اللي كان واطيها
يا سعد منهو نصاه وجاه عان له
والله لينسى همومه حين بيديها
مدت يمينه تغيض الفقر وتغله
يمناه دايم على الجزله مضريها
يا سيدي لو أقول الشعر وأجزله
خصايلك لو أعدد ما أقدر احصيها
المملكه تبتهج في كامل الحله
نور سماء المملكه بقدوم غاليها
الله يعز الملك وانته عضيد له
رمزين للدار ودروعن تذريها
شداد عبدالهادي العتيبي