يامتصل بالربع من فوق خزان متلطمٍ .. حافي .. وتنظم قصيده الصوت يقطع من صعيبات الاوزان وإذا تعثر بيت قالوا تعيده سعد الحماد - روضة سدير متلطم وجالس على رأس خزان بأرضٍ خلا ماكن فيها محلا تناظر خويك طارد الصيد تعبان وإلا حرست الزرع طيره تجلا فهد بن عقيل الطويان - بريدة ياللي تراقب من على فوق خزان بيدك عصيراً بارداً تشربونه وش حدكم يا شيخ والوقت حران وإلا أنت مرتاحٍ وشيٍ تبونه عبدالمحسن بن محمد المحيسن.. رياض الخبراء على عالي الخزان جالس بعز الصيف ألا يا لجبر يحتاج نصحٍ وتحذير ترى الشمس ما ترحم وأنا أقول يا حيف يخاطر بنفسه سارحٍ بالتفاكير محمد بن عبدالعزيز الخنيفر - أشيقر ياللي متكي على الخزان وش فايده تشرب الببسي ما غير تمثل على الأخوان في مسكة الكوب بالخمسي على رشيد الرشيد - رياض الخبراء على التانكي تشرب وقاعد على جريف لو طحت تطفي في حياتك شموعك هذا خطر وانته تقهوى على الكيف زلقة رجل فيها تكسّر ضلوعك سميرة سليمان العبرة جالس على التانكي وتشرب من الببس تنظر لك الوايت يجي له يعبيه الشمس ما ياقا لها كثرة اللبس كم واحدٍ وهج الحراير لعب فيه خالد بن ناصر المخيمر - روضة سدير امنَوّل ادوج فَالبرّان واقنب على المرقَب العالي واليوم قَاعد على الخَزّان متلَطم وجنبي نعالي صالح بن عبدالله الجلعود - القراين داله على موقع نفود وعالي ومن فوق خزانك تطالع القاع لا واهنيك خالي الهم سالي ماحاستك شهب الغرابيل في ساع حمد عبدالله الوايلي - حوطة سدير ماهني العين ما حولي مباني ماتشوف إلا سراب فالفيافي وأشرب البيبسي ولو هو ماهنالي وأحمد الله معتلي تنكر وحافي سلمان إبراهيم السلمان - الصفرات من لاهب بالصدر شكله مولعك برد على قلبك بمشروب غازي حر القوايل يانديمي مدهورك وزود معه يصلاك برميل قازي عبدالكريم النغيمشي – الربيعية ضامي ولا يرويه قلّ السوايل ياكود خزانٍ ملي بالمعاذيب ضيمه يصارع موقفه بالقوايل يبغى يريح من شموس ولواهيب فهد الدوسري - عودة سدير صورة العدد - ساعة مكةالمكرمة ، نستقبل مشاركاتكم الشعرية حتى مساء الاثنين على الايميل الخاص بصفحة الخزامى: [email protected] أو الفاكس رقم: 4871070 زاوية (صوت الصورة) ونرحب بالصور الهادفة والطريفة .. ويا هلا
