صوت الصورة

بكل البراءه جالسه ما تبي إزعاج
تقول وطوا الصوت يا اللي تمرون
تتأمل المنظر .. وتستقبل أمواج
تقول سبحان الذي كون الكون
عبد المحسن بن محمد الجريسي - الرياض
يا مستظله تتقي ضربة الشمس
في شاطىٍ والعين أزرت تعداه
البحر هادي يدفع الموج في همس
يم الرواسي .. نايفاتٍ تعلاه
سعد الحماد - روضة سدير
يا بنت ياللي في الاجازه فرحتي
بس الحراره كدرت صافي الجو
عند المظله والظلال استرحتي
طال انتظارك والاهل مابعد جو
حمد بن عبدالله الوايلي - حوطة سدير
يا شيخ يا مروق على السيف
بدري على الفكير بدري
جوك صفالك على الكيف
هالحين .. بعدين مادري
سعد سلطان السهلي - المجمعة
صورة العدد الماضي
مع دخول الصيف وزود الحراره
تبي تدور لشماس المضاليل
حلوه وبشرتها تزايد حماره
وخصلات شعرها مع كل نسمه تميل
خيرالله بن طريف السويدي – حائل
طفله براس الطعس تحت المضله
ماهي على الساحل ولا شاطي النيل
في نجد يا عل السحايب تعله
بوسميةٍ تملا فياضه من السيل
فهد بن عقيل الطويان - بريدة
شاطي البحر يا بنت وقته مسيان
حتى ولو فوقك مضلّة رطوبه
واهج حراره من حمم شبه بركان
يا الله عسى ذى الحر ما جا عقوبه
سعود بن عبدالعزيز الهزاع - نعام
أيام القيض شبت شبايبها
ياما حلا الجلسه على الشاطي
مع طفلةٍ تنقض ذوايبها
ماهمها أغسطس .. ولا شباطي
محمد سعد الجروي - الرياض
دام الصور صارت لذا الناس تذكار
خذلي مع الجلسه وذا الجو صوره
واكتب تحتها يا بكر حلو الاشعار
وكلٍ على ما قيل يثبت حضوره
طلال بن غارم آل فرحان - الرياض
طفله صغيره تحت ظل المظله
حول البحر.. حول البحيره مكانه
مكانها معروف محلا محله
والراس فوقه فوطةٍ ذا بيانه
عبدالمحسن بن محمد المحيسن
الصيف كلٍ بالبحر والمظله
حاول يخفف من زيادة لهيبه
والسنه وفصولها سنة الله
ما حلى مصيف عسير الحبيبه
سعود عايش الحربي - جدة
جلسه على البحر ما أحلاها
تحت المظله مع اخواني
وابلادي الله يحماها
من كل حاسد وعدواني
عبدالكريم عبدالرحمن السلوم - القرائن
من قدك وانتي فوق طعس النفودي
تحت الشمسيه والبحر هادي الموج
منظر خيالي ينشراء بالنقودي
ينسي الواحد هموم سنينه العوج
خالد بن ناصر المخيمر - روضة سدير