سهرت الليل

سهرت الليل أناجي طيف خلي
وأبعثر في جروحا بي خفيه
بغيته يفهم اللي حاصلا لي
ولكنه تجاهل ويش فيه
ذرفت من القهر دمعا يهلي
وقلت الصبر ياروحا شقيه
لو أنه داريا أنه بس خلي
لحاله ماله بقلبي سويه
ولو أنه داريا أنه كل كلي
وعمر العمر كله والبقيه
أكيد أنه ولا لحظه يخلي
عشيقه في متاهات وأذيه
تسمع هرج من هو عاذلا لي
وغره ثم صدق في خويه
أحسبه طول عمره وافيا لي
مثل ماروح خله له وفيه
ولكن الزمن طلع خفى اللي
غدرني في محبة عاذليه
ولا أدري عن سبايب ما حصلي
ولا أذكر صابته مني خطيه
ولكن بطلب اللي له نصلي
وبرفع له مع دعايه يديه
عسى كل البلاوي فدوة اللي
فديته روحي وقلبي هديه
فهد بن محسن السبيعي