يا صاح أنا

كلمات: خالد الفيصل
ألحان : محمد عبده
يا صاح أنا قلبي من الحب مجروح
جرح عطيب ما لقى له مداوي
لو ينشرى قربه شريناه بالروح
مير البلى شوفة عذابه هقاوي
أهل دمع فوق الأوجان مسفوح
على الذي ماهوب للغدر ناوي
أنا أدري أنه مثلي اليوم مطروح
لاشك ما يقوى ولاني بقاوي
لولاي أداري سر الأحباب لأبوح
وأبيع بيعات الهبيل الفداوي
لكني أجحد فيه عن كل مفضوح
خوف عليه من الحكي والدعاوي
حسبي على اللي حط في الدرب ساموح
العاذل اللي جر كل البلاوي
من أول باب المواصيل مفتوح
يوم أن عذال المودة خلاوي
واليوم سد الباب لوح على لوح
وأمسيت أنا يا صاح قلبي شقاوي