الجرح ..غاوي!

لاتكتئب بالجرح..والجرح غاوي!!
لاتحترق بالحزن..هالحزن محتال!
لاتحتشم بالصمت..والصوت قاوي
لاتكره الدنيا ترى الحال..ما مال
لاتآخذ بآهات عمرك ..شكاوي
ولاتآمن الضيقة إذا اسرفت باهمال
عطني الشقى...مادام حرفي يداوي
واخْذْ الأمل من خاطري وارحم البال
بدد ظنونك مع هبوب الحكاوي
وازرع زهر من بين هماً وغربال
لك الفرح واحساس نبضي مخاوي
لك المودة والسعادة..والامال
تبقى بعيني مثل مزن الرجاوي
مهما يشيخ الصبر..هالحال ما مال
سارة بنت محمد العتيق