آخر معلومة

في كل يوم تزودني بمعلومه
وعند النهايات انا اللي قلت تاليها
فرقاك حلت وبلوى البعد محتومه
جربتها بعد كنت اسمع بطاريها
مدري عيوني وراها منك محرومه
وانت الوحيد الذي مستوطن فيها
والوقت وش قصته والحظ وش قومه
يدني جروحي ويبعد من يداويها
راحت وهي تمسح العبرات مظلومه
ما هي وحدها مشا قلبي مخاويها
بنت تباهي جمال البدر وانجومه
لو شافها الحر يصبح من مواليها
دل انها من صميم بالذات مقسومه
لو خذني الموت ما يقدر يخليها
قريحة المنفجع تحكي عن اهمومه
تنظر من أبياتها في وجه راعيها
وعن ذبح غيري من العشاق محشومه
سهومها ما تعدا قلب غاليها
الجرح مفتوح مير اشفاي مختومه
لو تشكي العين جاء قلبي محاميها
خالد البقمي