ارتواء الأزمنة

عادي جداً والله عادي لوتغيب
دام جُرحي باعتقادك..اي شي !!
اذكر انّي.. كنت افضفض بالمغيب
يمّ نجمٍ..مكتسح منّك بضي
كنت اثرثر..باآخر الرمق.. المُهيب
وأتساءل..ليه فيني بات حي؟
كنت اشوف المزن ..في لمح الغريب
انتهاءه كان يعني ...دفء وفي
مشكله ...كل الظنون اللي تخيب
وان بقى ..في رمش عينك بعض مي!!
لابغيت تغادر الفكره..تجيب
جزء منها.. تَتَجلى لك بغي
انتهز فرصة غموضك..دون ريب
واجلب اللي من صباحي كان..لي
أجمل الأشياء في عمر النجيب
لا ا تّسع نور المدينة.بعد طي
تحكي الأوراق ما خط المُصيب
وارتواء الأزمنه منّك ..شوي
دام صوتي لا اعترف...ماله مُجيب
لا مآثر تُدرك انّك كنت ..حي !!
غيب أكثر .. عادي والله ..لو تغيب
دام جُرحي..باعتقادك..أي شي!
سار] العتيق