صوت الصورة

أنا أشهد ان الولد فنان
كوده يجي لاعب الكوره
الراس وايديه بالمليان
من فضل ربي أو من اخيوره
- عبدالكريم عبدالرحمن السلوم،
القرائن
موسم الأترنج هذا موسمه
ريح طيب والجوده مذاقه
شايل المحصول وبسمه تزهمه
لا تعجل خل مشيك بالرفاقه
- حمد عبدالله الوايلي، حوطة سدير
يا حامل الزهرة ترا فيها فوائد
مذكورة في كتاب الاطباء
جايبها من السوق يا أبا العوائد
أكل منها وأعط الاحباء
- نايف بن راجح المقاطي، الرياض
هذي بلاد الخير وبلاد الاخيار
داراً بها الخيرات من كل الألوان
شوفوا الصغير شايل بعض الاثمار
شال الترنج اللي به اليوم فرحان
- محمد بن عبدالعزيز الخنيفر، أشيقر
أثر الطمع بالآدمي ماله علاج
ثلاث بيدينه والأخرى على الراس
يا صاحبي خذ ما تريده وتحتاج
حافظ على النعمة ترى الوضع حساس
- عبدالله بن عاتق الغرابي، - رياض الخبراء
هيضتي يا بسمه مشاعر هل الشعر
بالصوره اللي شافها كل الاخوان
طفل يشيل الترنج بكل فخر
مدري من مزارع تبوكنا أو جيزان
- خالد بن ناصر المخيمر، روضة سدير
يا بلادي انعمي بخيراً كتير
والزراعه واضحه بالوانها
والسعادة بينه مع هالصغير
دارنا خضراء وذا عنوانها
- ريان محمد الخنيفر، الرياض
من ترنج ديرتهم عمل مزهريه
ثلاث شايلهن ووحده على الراس
اترنج يغرس في اسواقن جريه
ومن حمله يبي يعبي أكياس
سعود بن عبدالعزيز الهزاع - نعام
صورة العدد الماضي