عواكيس

*الى الطيب الغيور معوكس هل المرأة اقوى تحملا من الرجل، وماهي نظرتك لها، وهل تؤيد التعدد في الزوجات ام تدبغك ام العيال؟
زمان الصمت/ فهد الجاسر-الخرج
-شكلك انت المدبوغ يازمان الصمت
*الى الاستاذ معوكس هل لك نصيب (حملة تدسيم الشوارب التي يحكى عنها خاصة ان لي صديقي بالبنك قال انه مرت عليه قائمة من الاسماء ولمح اسمك؟
النزيه مربيد العجمي-الدمام
-حملة خذني معك يالحاشي
*أخ معوكس هل صحيح أن فيه أشخاص في لجان الاتحاد السعودي يقولون مفروض الهلال ما يحسم الدوري إلا في آخر مباراة؟ وهل الهلال قوي إلى هذه الدرجة أم مستوى باقي الفرق في هذا العام منخفض؟ وهل تأثرت لإصابة اللاعب محمد عيد وماذا تقول عن حظه السيئ وهل أخبار تأخر صالح بشير بسبب القطار ، وإصابة التايب التي تحتاج لرقية تعتقد أنها أخبار صحيحة؟
سفير الحلة -الخبراء
-قطار بشير شكله مترو الانفاق
*استاذ معكوس أتمنى الاجابة وتكون منطقية ماهي أسباب عدم صعود نادي الرياض لدوري زين ؟
عاشق نادي- الرياض
-السبب حمود ومحيميد
*الاخ معوكس تحيه طيبة وبعد :اذا كان ميولك منتخب سدير كيف نحقق باقي البطولات ومبروك الدوري يابو العواكيس؟
محبكم ابومحمد. روضة سدير
-منتخب سدير اهدي له اغنية شبيك لبيك على السمسية
عزيزي معوكس ايهما يجلب لك البطولات تلقين التدريب بالشفوي او التحريري؟
اخوك المشجع النصراوي-لافي صالح العنزي
-اسال عزيز وعبدربه
*قولوا لمعوكس قولوا له
وشهوله مخفي عنا وشهوله
من سنين ماشفنا زوله
وحتى بالدخل ماله جرة
وانشد صياد والهليل
واهل صامطه والسليل
عن اللي ظهوره قليل
وغيابه واجد بالمره
مهداه لفيروز.
بدر اليعقوب القيصومة
-اما فيروز هذي مايضبطها الا نوال واحلام
*الاستاذ معوكس ماهو تفسيرك لقناعات بعض الصحفيين عندما يطالبون بإداري او رئيس سابق هو فاشل ماجاب لأنديتهم الا النكبات والبيانات؟
برجس العميم-بريدة
بلاهم يطالبون ويطلبون وما يطلبه المشاهدون
*ماهي رؤيتك يامعوكس للتحكيم السعودي في عهد عمر المهنا وبعدين وش محرق رز مثيب الجعيد كل لجنة يشب فيها يعني على باله رئيس ناجح وهو الذي نكب الاندية يومه حكم ورئيس ؟
جميل العوض-المدينة المنورة
-تروح لجنة وتجي لجنة والتخبيص واحد
*اقول لك يامعوكس انتظر الجبلين السنة الجاية بدوري الاضواء واذا ما صعد لاتحاكيني؟
فواز الشريهي-حائل
-ابدا ان صعدو لهم من عندي زيلعي وشراحيلي مجانا
*الا وش رأيك ياستاذ معوكس تقنع عبدالسلام الهليل وصياد يصيرون عندنا اعضاء شرف؟
خالد الظفيري-حفر الباطن
-ناقصين طفارى
*صراحة سلم لي على ادارة الهلال اللي خلت اللي يهاجمونها العام الماضي يمدحونها غصبا عليهم هذا العام؟
منيف المنيف -مرات
-يهاجمون ولا يمدحون مادرى عنهم احد
*ما تلاحظ يابو العواكيس ان مستوى سعد الحارثي لك عليه، شكل السهلاوي سحب البساط منه؟
عاشق العالمي فارس الغاطي-الرياض
-شوية سحب البساط الا سحب الموكيت كله
*استاذ معوكس منهو الكاتب اللي تقتنع برأيه وتحب تقرأ له؟
محب العقاد-حسين بانبيه-جدة
-اقول الله يرحم زمان اول مايكتب الواحد الا بعد سنين واليوم كل ساعة ناقد وقانوني
*ليش بايو العواكيس ما يرجعون الدهام للجنة الحكام ويريحوننا من هذا رايح وهذا جاي؟
راشد الناصر-الافلاج
-ابو عزيز الريوس عنده معطل
*معوكس..من برأيك اللي يسيطر على الآخر الحب ام الانسان؟
قيس البجادية- سالم المدوش
-حسب الخطة
*عندي كتاب ياعكوسي ويحتاج الى من يكتب الافتتاحية هل توافق على ذلك ومسمى الكتاب (حملة تدسيم الشوارب ودورها في تنزيل الغارب)؟
نايف الربيع-الرياض
-له دور ودبلكس وشقة مسروقة
*اهلا معوكس لاحظت بالفترة الأخير بعض الكتاب يضعون (فيس بوك) بآخر مقالاتهم لكي ينشر صفحته؟
ماجد أحمد
-يارجال صفقني كانهم يفهمونها
*الغالي معوكس
انا ماني راضي عن فوز الهلال بالدوري ..وش اقول عنه
-عدنان احمد-جدة
-قول عنه ماتقول اللي مايطول العنب حامضا عنه يقول