عواكيس

*الأخ معكوس مارأيك في لجنة الانضباط ولجنة التحكيم؟
أخوك هلالي وقلبي نصراوي وحبي شبابي-عرقة
-الانضباط تبيلها حلاً مثل الحكام
حسين عبدالغني
*أستاذ معوكس ماذا فعل حسين عبد الغني في محمد أمين حتى يطالب البعض بإيقافه، ابو عمر طيب وتاريخه دائما نظيف وما يحب المشاكل؟
اسامة بانهدي -مكة المكرمة
-أبد ابو عمر حب راس امين
*ماهو الذي ترجوه يامعوكس من لجنة الحكام الجديدة؟ وبعدين ليش ما يستعينون بالكاتو كخبير في شرح ركلات الجزاء؟
نواف المصيليحي-الهفوف
-بالكاتو وخميس العويران!!
*يابو العواكيس _ ليش ما لعب ياسر القحطاني من بداية المباراة كان ضمنا الفوز
عازف الليل-الخرج
-غريتس خذله غفوة على الدكة ونساه
*عزيزي معوكس ماهو سبب عزوف الجماهير عن المدرجات
أخوك المشجع النصراوي الوفي لافي صالح العنزي
-يبون العزف على السمسية
*عندي شعور ياصديقي معوكس أن محمد نور مل من الكورة ويمكن يبي يبتعد مع بعض الناس؟
سعد الخديري-ابها
-المشكلة لولا..لولا بعض الناس
*وش رأيك في دعوه الأخوان في الاستوديو التحليلي ليلة مباراة الهلال والحزم للحارس محمد الدعيع يقولون له نبي نحجز لك كرسي بعد اعتزالك عندنا ؟
بدر سطام الفداغي الشمري -الرياض
-ابو دعيع ماله ومال التحليل..حده مدرب حراس
*ألف ألف ألف مبرووووك لنادي القرن الزعيم لمعوكس لكل سعودي لمحبي الموج الأزرق آه يازمن وجبتها والله ياهلالي
تستاهل الزعامة والحب والدلالي
احبك حب الماي العذب الزلالي
ارويت عشاقك بطولات يانجما يلالي
بدر اليعقوب-القيصومة
-هذي تبيلها شيلة ياخالد عبدالرحمن
*أخ معوكس : في رأيك لماذا التعاون في الأولى والرائد في الممتاز فالهلال والنصر في الممتاز والاتحاد والأهلي في الممتاز فهل التعاون يستطيع تحمل موقعه وبعده عن الرائد ؟!!
سفير الحلة - الخبراء
-موقعه في الكليجا قوقل
*الأستاذ معوكس صباح الخير الى أين يتجه الدوري بعد البون الشاسع في ميزانيات الأندية، فالهلال صرف ربع مليار ريال لنيل البطولة وأندية صرفت بالآلاف؟
عبدالله العبيوي -الكويت
-يتجه لحل لجنة الانضباط
*سمعت يامعوكس ان بعض التعاونيين زعلانين ليش استضاف رئيسهم محمد السراح بطل الدوري وش معنى ذلك؟
نادر السليم-بريدة
-معناه التعصب اللي ماله داعٍ
*هل عندك الشجاعة يامعوكس وتقدم استقالتك اذا اخطأت بحق أحد؟
جميل الرويجح وسمير الرجب-المدينة المنورة
-استقالتي مرفوضة مقدماً
*كيف ركزت لجنة الانضباط ياعكوسي على هل بصق عبدالغني ولم تركز على لكماته لمحمد امين وتصرفاته الاخرى؟
مساعد العتيبي-الرياض
-امان ..امان وابشر بطول سلامة ياحسينوه!!
*صراحة يا معوكس مايبط كبدي إلا مالك معاذ بمراوغاته اللي مالها داعٍ ظلال ماجد عبدالله؟
وليد الرميح-الحوطة
-غيره يبط الكورة ويوطيها
*صراحة يامعوكس اني انبسطت يوم فاز عبدالغني بجائزة (زين) يعني الامور زين في زين ونحن بحاجة الى الرفع من معنوياته؟
سمر العامر-الدمام
-زين وتروح لشين النفس
*ماذا سيفعل هيكتور مع الاتحاد و(السوسة) موجود ما يبي أحد ينجح؟
عبدالسلام باخيضر-جدة
-عليه بالدور الثاني
*اين اختفى التايب يامعوكس الظاهر انك اعطيته عين ارجوك دور عليه؟
محمد الدوسري -العريجا
-اختفى عند بوفية شكشوكة وبيض عيون
*هالحين يامعوكس أي واحد يصير خبير فني ومستشار قانوني، اجل انا فكرت ان اسرق كم مقال وانضم للركب وكلها تشخيص وماحد يقول لك من أنت؟
عبد العزيز النومسي-رياض الخبراء
-لا وتبي تضحك شف المداخلات اللي تضحك!
*الخبير معوكس ليش مدني رحيمي عصب بالتلفزيون عقب مباراة النصر والاتحاد؟
سليمان باحفيظ-جدة
-بلاه شاف الشق والبعج
*البربارة معوكس ماهو علاج بعض الصحفيين أول ألف باء صحافة يظهرون بالقنوات ويشخصون واقع الرياضة وواحد تلقاه مطرود والثاني ماغير معسكر بمنتديات فريقه والثالث ما يظهر إلا بواسطة، فسر لنا ذلك؟
حميد الحميد-عنيزة
-العلاج يكون مع علباه
*أنا قررت ان أطلق عليك لقب الخبير بالنفسجي نظرا لميولك الفاضح لفريق الوطني؟
جابر النومان-تبوك
-ميولي معروف اشجع بطل اوروبا منتخب سدير