سلامتك تاج الفخر ياكحيلان

سلامتك رمز الكرم والشهامه
سلامتك تاج الفخر ياكحيلان
سلامتك درع الوطن ياحزامه
سلامتك سيد الرجاجيل سلطان
سلامتك للشعب تعني سلامه
الشعب مثل العشب ورجعتك هتان
في غيبتك شعبك مجافي منامه
كلٍ على شوفتك يالقرم شفقان
شوفتك للمعلول تبري سقامه
حتى اليتيمه تنسى في شوفك احزان
الوقت في طلتك يرحل ظلامه
والقفرا تصبح من خطاويك بستان
كم قلب في حبك تعدا هيامه
حبك يابوخالد نبض كل شريان
نهني في جيتك راع الزعامه
صقر العرب صقر الفخر طير حوران
ونهني من امن المواطن مرامه
نايف ابوسعود اللي للأمن سهران
ونهني اللي بالوفا له علامه
ونهني أمير نجد الوافي القرم سلمان
ونهني شعب ودار عالي مقامه
في رجعتك سلطان سلطان الإنسان
مشعل بن راشد الشايقي