بعودتك عم الفرح

حي الأمير وحي ماقيل سلطان
قرناس نجد ورمز للشرق كله
يامرحبا بك عد ماكاينٍ كان
وعداد ماخط القلم في سجله
وعداد ماغرد على خضر الأغصان
وعداد وبل من السحايب تهله
برجوعك سالم ياسلايل كحيلان
عم الفرح في كل بيت وفله
بعودتك عم الفرح والسعد زان
جاب السعاده للوطن واكتمله
شعبك يحبك وبالوفا مثل سلمان
أبوفهد قلبه على الشعب كله
لاباس ياسيد الرجاجيل سلطان
وعساك سالم من صدى كل عله
يا أبو الضعافي والأرامل ويتمان
وسيف على رقبة المعادي نسله
سلطان نبع الخير يامير الأحسان
نسل الملوك اللي نتظلل بظله
عضد المليك اللي له القدر والشان
كل الأيادي ليا وقف صفقن له
عبدالله اللي للمهمات مزبان
ليا كبرت القاله بفعله يحله
نسل الإمام اللي نشر دين الإيمان
نفخر بساسه والوفا عادتله
والحكم بشرع الله سنه وقرآن
وأسس لشعبه دولة مستقله
وصارت شعوب المملكة كلها أخوان
متكاتفين وعهدكم مانفله
عبدالعزيز الصيرمي طير حوران
صقر الجزيرة منكر الدين ذله
وأقسم برب الكون خلاق الإنسان
الواحد اللي خالق الكون كله
مامثلكم حكام في كل الأوطان
الغيمه اللي فوقنا مستهله
تمطر علينا خير ينظر بالأعيان
والشعر واضح والمعاني تدله
هذا الصحيح ولايبي الهرج برهان
تاريخكم بالمجد حافل سجله
والله يحفظ الدار من كل خوان
اللي انحرف عن دين الإسلام كله
وحنا جنود للوطن سر وإعلان
أرواحنا وعيالنا فدوتله
شعب كريم وصادق العهد ماخان
أمرك يا ابومتعب وقدرك نجله
والشعب واحد مابها شك وإرهان
وحنا الوفا طبع لنا مانحله
وختامها صلوا على نسل عدنان
المصطفى اللي خاتم الرسل كله
مشعل هدوان رشيد العنزي