النشر باب الانتشار

انهزام النفس ينهي طموح الانتصار
والثقافة تثري الفكر وتزيد الوعي
والعقول النيره منبع للابتكار
ثابت مبدأ الخبر يدعي من يدعي
الشعر له منهجيه ولا فيه احتكار
كان قبل الاصمعي صار عقب الاصمعي
والدعايه شي والنشر باب الانتشار
والسعي لصار له ساس ما خاب السعي
قرت افكاري ورمي على الشاره قرار
باقي احيي نديمي وودع مضجعي
ودنا نختار لكن ما فيها خيار
يا هواجيس اقبلي يا هواجيس ارجعي
لو بحور المعرفة تصطفق ليل ونهار
الحقيقة كل شربي على راس اصبعي
ما تعلمت المهازل ولا لعب القمار
اعرف ادروب الرجاجيل واعرف مرجعي
مار يا دنيا الفنا للعمار والدمار
يوم وجهك شان ما زان والشاهد معي
سافر تبي ذكرياتي على كل الديار
واصبح التفكير كنه مبنج موضعي
يا إلهي فزعتك قبل تعطيل العشار
دايم اذر مطمعي طاعة الله مطعمي
الكلام ابغايته والحقيقه بختصار
يا ليب القلب مصرعك والا مصرعي
الجهل لولاه ما صار للعالم وقار
والردي لولاه ما ننعي الطيب نعي