أنساك هذي منيتي!

المرّه هذي طالبك أرجوك تكفى خلني
من سبتك جسمي نحل والهم ساكن لا يزال
المعظلة يافرحتي حتى الملل قد ملني
أنساك هذي منيتي تعبان من قطع الوصال
كيف الهوى ياقاسية من سبتك قد ذلني
ومالوم قلبٍ عاشقك يركض مجننه الجمال
يامنيتي أحترت أنا لا شك قلبك علني
كلك على بعضك دلع طفلة يميزك الدلال
صار الفكر له ملهمة كني ورق وتفلني
أكتبي عاشق لا رقى يرقى طموحه للخيال
أحيان أقول ياليتني وألا عسى ياعلني
ما شفت عينك مستريح أفضل جوابٍ للسؤال
وأحيان أقول إن الهوى جيشٍ غدر واحتلني
كانت جنوده طلتك والرمش وحده احتلال
وأحيان أقول إن الهوى في دنيتي قد ظلني
خايف على قلبي ترى يلحقه رمشك بالهبال
عبدالكريم بن ابراهيم بن خزيم