همس القلوب

اهمسي بيني وبينك خفضي بوح الكلام
دام قلبي يا حياتي ينتظر همس القلوب
اهمسي لي يا حياتي همس في اذن الغرام
اسعفي عطشان.. شوفي مرتوي كله شحوب
اهمسي واعطيك قلبي لك هديه باحترام
علني انسى حياتي في خيالات محبوب
دلعيني دلعي.. دلعي فيني هيام
دلعيني وكثري لي الدلع منك محسووب
لا تشوفيني فخيالك بالهوى عالي سنام
لا يغرك والله اني ريشه بوسط الهبوب
لا يغرك لو تشوفي كثرتي وسط الزحام
والله اني في زحامك ضعت وضيعت الدروب
حتى لو شفتيني شاعر الشعر ماهو وسام
الشعر قالب وانا احساس بحروفه اذوب
والله ان قلبي تعلى عن هوى غيرك وشام
والله اني في حياتي معك اعلنها واتوب
اهمسي لي اهمسي لي دلعيني بالغرام
اهمسي لي دام قلبي ميت بهمس القلوب