في مدّة الفنجال طبع الرجاجيل ياخذه باليمنى وهو من يمينه

عودة الإنسان للحال القديمه
يمكن انه أحسن بْهذا الزماني
رغم انّا في نعيم الله يديمه
تحفظ الثلاجة غْذا المودماني
شاهد القربةْ وكانت ذات قيمه
تحفظ الما باردٍ في كل آني
والدلال لْها طريقة مستقيمه
مدّة الفنجال للطرقي وعاني
محمد مقحم المقحم - الرياض
نعم الولد فنجال باليمنى لِبُوه
واللبن زَاهِب ومعلق بالصميل
والولد طِيب العوايد علموه
من الصغر ينشا على النهج الجميل
وباقي الشاهي لشربه جهِّزوه
واجمل اللحظات والجو العليل
سعود عائش الحربي - جدة
في مدّة الفنجال طبع الرجاجيل
ياخذه باليمنى.. وهو من يمينه
هذا من التقدير جيلٍ بعد جيل
وعيالنا من طبعنا عارفينه
رمز الكرم دلّه ومعها الفناجيل
وتقديرهم للضيف هم سايقينه
سليمان بن عبدالعزيز السنيدي - الرياض
يا زين طعم الكيف من يد الوليف
اللي من أثمار القلوب يتخلق
وقف على شاني كما الظل والطيف
ويبقى على عهد الوفا ما يفارق
البر يزهي في حضوره مع الريف
وحبه بقلبي مثل عقدٍ موثق
عبدالله عبدالمحسن العبدالكريم - الرياض
حي الولد لاصار في مطوعة ابوه
يفرح بشوفه ودايم الدوم في طوعه
في مجلس يشوقكم ياللي شفتوه
قربة الما فيه عن الارض مرفوعه
خالد بن ناصر المخيمر - روضة سدير
يا سايق الفنجال والكيف مضبوط
صبّه عسى فالك من الفال مصفوطي
بين التراث اللي على الأرض محطوط
منول يسوى من المال نوطي
حمد عبدالله الوايلي - حوطة سدير
نرحب بمشاركاتكم الشِّعرية، وما تلتقطه عدساتكم من الصور الهادفة والطريفة
على إيميل الخزامى:
rb-khozama@alriyadh.com
صورة العدد