طقة بلوت وشاي قدام موترك مع رفقتك يا خوي يا زين شكله يا ليتني معكم احكّم وأناظرك عشان ما تسرق ودورك تدله وان جتني الفرصه اكبّت وأدهورك اربع اكك مع بنت والعود كله عبدالكريم النغيمشي - لوذة بعد التقاعد مالنا شغل يا ناس غير التمشي وسط زين البراري نلعب ورق ونقضّي الوقت نوماس صن وحكم ما بين بايع وشاري هذي حلاة البر لا هب نسناس وذعذع نسيم الجو وقت العصاري خالد ناصر المخيمر - روضة سدير صكة بلوت في تحدي مع أخوان في طلعةٍ للبر حلوٍ هواها ما بيننا كاسب ولا فيه خسران أنّسلي الخْطّر ونطرد عناها مع شاهيٍ محكور خدّر بإتقان للكبد يا صاحب ترى هو دواها لعب البلوت بوقتنا صار له شان لا صار فنانٍ اوراقك قراها عثمان إبراهيم الرشيد - الرياض ما شفت دلّه ولا محماس ما شفت باقفي المعاميلي لعب الورق ما يفيد الناس ما فيه غير الغرابيلي أبو شنب يا قوي الباس يعجبك وسط الغراميلي عبدالكريم عبدالرحمن السلّوم - القرائن يا هل الجيب ياللي تعلبون البلوت وسط جوٍ خلا ما نتم بوسط البلد صافيٍ جوكم والصوت ما فيه صوت لعب هادي وجلسه فوق الأرض الجلد قال الأول معي خمسين ما به سكوت قال خصمه ميه بسكتك يا ولد سعود مطر العتيبي - الدوادمي جلسة سوالف والورق يلعبونه والصيد قل والمقانيص واجد ليت الورق يا ربعنا تتركونه ذي عادةٍ يا شينها من عوايد درب المخاطر ليتكم ما تجونه وترى طريق الخير فيه الفوايد محمد عبدالعزيز الخنيفر - أشيقر القلب له سجه من الوقت ساعه مع رفقةٍ بهم تزين المطاريش بجيبٍ جديدٍ بالخلا له بتاعه إن بغيت التمشيه والمعاييش ومع ذعاذيع النسايم والوساعه تكمل الصوره وشوف أبرق الريش سعود عائش الحربي - القاهرة عند الشنب صكوا طويلين الاشناب لعبة بلوت بالعصر حكمها صن ياما حلا المجلاس مع شلة أصحاب في صيهدٍ ما فيه نجسٍ معفّن أبو بكر عبدالعزيز الريس - الرياض يوم اتفقنا مع السايق يودينا لديار اهلنا علينا طالة السكه كل ما مشينا وقفنا قال يمدينا نسوي لنا شاهي وناخذ لنا صكه سعود سعد العتيبي - الرياض طقّت بلوت بواديٍ غاسله سيل وشاهيّكم اكياس في زمزميه الجو جو اللي يحب التماثيل ودله وبرّادٍ على نار حيّه اما تمشّى بين طلحٍ مضاليل ولا تدوّر صيد بالبندقيه سعود عبدالعزيز الهزاع – نعام يا ما حلى الراحة بهالجو يا أخوان بعد التعب بعد العنا بعد مشوار خلوا الورق ثم ادحروا كل شيطان وديروا قصص منها حسينات الأشعار والصيد ما من صيد والكل تعبان والبعد مطلب عن صعيبات الأخطار ريان محمد الخنيفر صورة العدد السابق نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى: [email protected] أو الفاكس رقم: 0114871070
