ابو قلبٍ مريح

يا كحيل الطرف ابو قلبٍ مريح
يا خضيب الكف ابو وصلٍ شحيح
كيف ابيعك قلبٍ ايبسه الغرام
وكل فارس من همومه له نطيح
قلبٍ تسوقه مجاهيم السنين
جاك وقلّطته لحد قبر وضريح
من حدايق غربتي لبحر الشجون
ما قطفت إلا زَهر حظ ٍّ طريح
روّحت هجن المشاعر مقفيات
وهي عليك حيام من وقتٍ كليح
جاد لك غيث القصايد يا غضيض
وعافني ظلّ الّلقا وليلٍ نصيح
تورق ضلوعي ليا نسنس لقاك
لا التقى بالدرب ذبّاح وذبيح