لبتها حلم

بين واقع وحلم و وعيّ والاّ وعي
كيف عقل الذهول يميّز احساسها
كنّ ما عندي الاّ هاذي الأربعي
ضاقت الارض في عيني وفي ناسها
أربع أشهور مثل الطفل يصرخ معي
ساع يهْدى وساعه علّق اجراسها
رسمة ألوان طيفه بان في مدمعي
وان تشكّل مشاعر خاطري حاسها
مثل خيل السباق اللي سريعة سعي
فوق صمّ الجروح وحافره داسها
واشتعل في ميادينه شرارة نعي
توقظ اللي غفل لو كان ما جاسها
كلّ ما شفت تذكاره نهض موجعي
فوق راس العنى نزفه على امواسها
ألمسه في يدي واحركه باصبعي
أشعر أحساس روحي لامس احساسها
فاح صدري بيوت بلا غلط مطبعي
والمعاني عنان الفكر من راسها
ليتها حلم ماهو واقع ولا وعي
كان باقي لذيذ الوقت في كاسها
مقرن بن متعب الهرف