سبحان مِنْ ألهم بتدبيره الطير يشرب وهو متْجوّدٍ بالنباتات

سبحان من علمك يا طير وشلون
تشرب من الما وأنت راسك خلافي
الرازق اللي يرزق الخلق والكون
سبحان من هو ما خفى عنه خافي
خلى جميع اللي يشوفك يعرفون
إن الطيور بجوها ما تخافي
تفرد جناحيها وتقبض على هون
ما خافت الميله.. وحتى اختلافي
سليمان عبدالعزيز السنيدي - الرياض
اشرب تروى زين يا طوير الأشجار
وأطلق جناحك لا شربت وترويت
واخذ حسابك عند غبّات الابحار
موج البحر لو جاك ما ينفعك ليت
شجعان سعود المقاطي - الرياض
لو مخاليبه على عود الأوراق
يشرب من الما وهو حايرٍ فوق
الطير ضميانٍ ليا حد الأشفاق
عزّاه يا قلبٍ مع الجو محروق
يا طير غّرد خل عنك التحراق
نشوف لونك حزّة الشمس بشروق
حمد عبدالله الوايلي - حوطة سدير
كلٍّ يحب يْعيش في نعمهِ وْخير
ويْقَضِّي أيّامهْ بسعْدِ وْمسرّات
في واقعٍ فيهِ الْعِسِر والتياسير
هذي حياة الخلْق أفراح وآهات
لو كان تغني عن قِدَرْنَا المحاذير
كان الْخَلِقْ كلّه على الأرض ما مات
سبحان مِنْ ألهم بتدبيره الطير
يشرب وهو متْجوّدٍ بالنباتات
ناصر جمعان آل عوض - وادي الدواسر
بين الأعواد يا طير نكست راسك
تشرب من المويه على فكة الريق
يا طير ياللي احسانا من احساسك
نفرح بشوفك لو بعالي المشاهيق
الله عطاك الزين مع قوّ باسك
بين السماء والأرض دنياك توفيق
احذر من الصياد لا يكتم انفاسك
تجيك رصاصه طايشه من مطافيق
خالد ناصر المخيمر - روضة سدير
وسط البحر ياما كثير من الطير
تبحث عن الاسماك تطلب غذاها
ما تطلبه يا طير أبشر بذا الخير
كثر النعم من ربنا هو ملاها
هذي النعم يا ناس تحتاج تقدير
والآدمي والطير تلقى مناها
محمد عبدالعزيز الخنيفر - أشيقر
الطير مضطر لفعل التحاويل
بالقول من له حيلةٍ قام يحتال
بالفعل فكر ثم صارت تساهيل
نفذ، طريقه ما تجي لك على البال
تكا على الأشجار يشرب شهاليل
زانت اموره وارتوى عالي العال
علي الرشيد - رياض الخبراء
لو زقزق العصفور يرتاح بالي
مع طلوع الضوء يومٍ جديد
من فوق خيطان النبات الطوالي
يمشي على كيفه كما هو يريد
بالشرق ولا يم ذاك الشمالي
ما أحب حسد الطير لنه سعيد
يشرب من الماي القراح الزلالي
وكل يوم يحل دارن جديد
محمد عبدالله الشهري - جبل اثرب
منظر جميل الطير يشرب من ألميّ
زوَّد جماله صورة إبداع فنَّان
وسط النهر خالي من الرايح الجي
وجواً عليل.. ولامعٍ برق الأمزان
سعود عائش الحربي - جدة
الطير وسط الماء والجوع حاديه
عن السمك يبحث والخير يلقاه
هو مطلبه يا ناس والرب يعطيه
من كثرة الخيرات هو حقق مناه
طبيعةٍ وسط البحر ما يخليه
في كل موقع دايمٍ ما يتعداه
ريان محمد الخنيفر
نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد