صوت الصورة

عزتي لك كيف يا وارد عرواي
خابرك للبر ويش اللي جرالك
طحت في وسط البحر وش انت ناوي
جبت نفسك للمصايب .. والمهالك
هذال بن ضاوي العتيبي
ددسنك وسط البحر ما عاد به فود
يا خوفي إنك تحسب إنه سفينه
الما دخل ماكينته وأندمر زود
وسبايكه وبلوفه راحت عجينه
خالد بن ناصر المخيمر – روضة سدير
وحده من الثنتين ما تقبل الزود
سبب مطيحك فالبحر يا حزينه
يمّا البحر مخطي على الخط موجود
والا مثبت سرعتك خابرينه
حذرا سؤالك ليه الاسياج مفقود
والا الطريق ولفّته ليه شينه
محمد سالم الثبيتي – السر
راعي الونيت اللي توهّق قبالي
وسط البحر دونه جبالٍ عسيره
حظه رماه ومخطيٍ في خيالي
يا هل تبوك الورد شوفوا مسيره
حمد عبدالله الوايلي - حوطة سدير
السرعة السرعة ترى ساس الاخطار
واللي على هالحال لا تعذرونه
موتٍ حمر والفكر بالحيل ينهار
أنصح شباب اليوم لا يسلكونه
محمد عبد العزيز الخنيفر - أشيقر
يا بكر فكرت بالصوره
ددسن مع الميّ عوقها
صارت تقلّب تقل كوره
سواقها زعل واغرقها
مستعرضٍ عند جمهوره
يامى بالامواج عمّقها
عبدالعزيز العنزي - بريدة
شوف الونيت مجندلٍ وسط الأبحار
مثل البقر فالشين لو يسرجونه
البحر ماهو لعبةٍ كلّه أخطار
ياكم غريقٍ حاولوا ينقذونه
عبدالعزيز بن فهد الريس - الرياض
سيلٍ عرمرم والجوانب جليدي
منظر جميل وبه مخاطر كثيره
بلا دبل موتر غريقٍ بعيدي
ويحتري من يسحبه من مصيره
سعود عائش الحربي - جدة
الددسن اللي هوى بالسيل
أكيد راعيه غلطاني
يا عزتي وأن ضواه الليل
بهالغماره بات جوعاني
عبدالكريم عبدالرحمن السلوم – القرائن
ددسنك لو هو زورقٍ قلت لا باس
يقطع غزير السيل ولودك شعبان
لكن عراوي تهلكه موية الكاس
مخصصٍ للي مقاضيه بلشان
سعود بن عبدالعزيز الهزاع – نعام
دوك العراوي فيها ميزه فريده
تغوص مع مشيه على روس الاطعاس
نلحق عليها الطير هو والطريده
وصيد السمك فيها بلا خوف واتعاس
عبدالكريم النغيمشي - الربيعية
صورة العدد