ياصاحبي غنيت فيك القاف ورده على الانهار مسقيه

بيت الأسبوع
طرحه للصفحة الشاعر محمد عبدالله الشهري من جبل أثرب الذي يقول:
ياصاحبي غنيت فيك القاف
ورده على الانهار مسقيه
وكانت الأصداء المتوافقة مع الوزن قليلة جدا رغم أن هناك 17 صدى للبيت، ولكن أغلبها على طرق الهجيني الذي يتداخل مع بحر هذا البيت:
اشتقت لِكْ يا بو ثمانِ رْهاف
يامْطَوِّل الغيبه متى الجيّه
يا مبْعِدِن عني إلهك خاف
انظر لحالي وش جرى فِيّه
اعْيون خلّك لكْ فَرِشْ وِلْحاف
وش غير ذا للحب ماريّه
خالفت في هجري سِلِم وإنصَاف
ما أقْدِيتِ بالّلي تفعَلًه بِيّه
دونك حياتي مظلمَهْ تنعاف
ليت الهنا ينعاد ماضيّه
ناصر جمعان آل عوض - وادي الدواسر
بيني وبينك مايصير خلاف
حيثك حبيب وصافي النيّه
وانت الجميل وكامل الاوصاف
وغيرك ترى ماشفت انا زيّه
في وسط عيني دايمن تنشاف
مانساك دايم روحه وجيّه
محمد بن عبد العزيزالخنيفر - أشيقر
لك موقع بالقلب وفوق اكتاف
انشهد انك وسط عينيّه
تسوى مئات وفوقها آلاف
وفي خير دايم ولابها سيّه
حزت الغلا يابو ثمان رهاف
يابو مبيسم فيه حنيّه
ريان بن محمد الخنيفر- أشيقر
قم ياعميلي والقلوب نظاف
وهات القوافي عجل منقيه
جزله وترقى لي على المشراف
ماهيب من دكان مشريه
تالي الزمن طرق الهوى تنعاف
ماهي على الشيمات مبنيه
حمد عبدالله الوايلي - حوطة سدير
ياعود موز ناعم هفهاف
يميل لا هبت شماليه
يابوعيون تذبح اللي شاف
صويبها متعالجه كيه
ارحم رحمك الله ومنه خاف
عود بقلبي واخلص النيه
سعد سعيد الغريري - الرياض
ياصاحبي عيني غطا ولحاف
اتعبتني يانور عينيه
وعلى كلام المغربي بالزاف
انا ينور العين مافيه
اما تصافينا بليا خلاف
والا تفارقنا بلا جيه
خليف العجيلي- الرياض
يابوخديد كنه الكشاف
والعين كنه عين حوريه
وليا مشى من دون رمي احلاف
ماله شبيه او شفت انا زيه
والله يلولا الدين والاعراف
لا اصيح باسمك يالسنافيه
رجا بن عادي الرمال - الرياض
المهره اللي ما عسفها اعساف
مهر صنيع تقول حوريه
اليا اقبلت لو رافق الها آلاف
كنها يبوخالد خلاويه
ولفي لها طاغي وهي ميلاف
وعهد مضى ما نخلف النيه
علي مونس بن جدي - الرياض
بيت الأسبوع
مجاراة لبيت الشاعر الأمير خالد الفيصل الذي يقول:
الا صفى لك زمانك عل ياضامي
اشرب قبل لا يحوس الطين صافيها
نستقبل صدى هذا البيت بهذه المناسبة خلال أربعة أيام من نشر البيت على إيميل الصفحة:
rb-khozama@alriyadh.com