فوق هام السحب يا دار السعود فوق هام السحب روّحتي سماء يا عرين الأُسد منشاط لنفود يا منار الخير وسطك ننعمى مملكتنا نور في كل الوجود والسعودي عاش فيك الإنتماء قادها سلمان في جيش وجنود والعدو من فضل ربي انعمى وبعده محمد حمى كل الحدود والعدو قد خاب وأجنوده دمى عبدالكريم بن خزيّم - البكيرية جنودنا الابطال حمّاية الدار الله ينصرهم على كل شرير مع راية التوحيد عزّة وتذكار خدّام بيت الله عطوهم تقادير يقدمون ارواحهم سر واجهار حفظ الوطن والدين هي قمّة الخير علي الرشيد - رياض الخبراء يا عزّة الاسلام هذا تضامنك بسم الله الرحمن وأذكارها فيك ارفع علمنا عسى ربي يسلمك ويعزّ من عزّه ويذل معاديه انت تعرف العلم مانيب اعلمك نبينا المرسول والرب واليه شجعان المقاطي - الرياض يا مرخص الروح لجل الدار لا هنت أنت الفَخَر للبلد شعبٍ وحكام يالجندي اللي على الشدّات ما لنت من قُوّ باسك عدو الدار ما نام بِحْروف نورٍ معانِ العز دوّنت في سيرةٍ تنقرا عامٍ بعد عام ما هبت مكر العدا أبليت وأحسنت دافعت عن دار مكهْ دار الإسلام عهدٍ قطعه السّلف يا باسلٍ صنت للدار درعٍ وللباغين لطّام لبِّيت أمر المليك الشّهم وأمّنْت عزمك سعى بك قبلْ تسعى بك أقدام أمن البلد دونه القاده وَنَا وأنت حنّا لدار الشمم جندٍ وخدّام ناصر جمعان آل عوض - وادي الدواسر الرايه الخضراء لها المجد عنوان والجندي اللي ماسكه في يمينه شعارنا الخفّاق من عهد الأزمان من وقت ابوتركي ومرت سنينه عاشوا جنود الحق في كل ميدان وعلى حدود المملكه محتمينه في ظل قايدنا على العزّ سلمان رف العلم فوق الجبال المتينه وساد الرخا في كل وقت والامان وادعوا معي يا فاهمين الثمينه دامت بلادي من بلا كل شيطان والله حماها ثم جاب السكينه حمد عبدالله الوايلي - حوطة سدير شوفوا علمنا فوق بيدين الابطال ما يرفعه غير الرّجال المغاوير خلفه نشاما بالوفاء مضرب امثال جنودنا الابطال نعم المخابير ابوفهد سمٍ على كل محتال حكيم راي من هل الطيب والخير وخلفه ولي العهد شهمٍ ورجّال انا اشهد انه من رجالٍ مناعير محمد عبدالعزيز الخنيفر - أشيقر يا مر حبا والعز مرفوع مرفوع يا ر اية التوحيد يا فخر الاسلام يا جنودنا اللي للولي سمع مع طوع في كل محفل دايم المجد قدّام على حدود المملكة العمر مبيوع ما همنا لو طبلوا أصحاب الاعلام جميعنا لسلمان ومحمد دروع نحمي وطنا من جراثيم الاجرام خالد ناصر المخيمر - روضة سدير الراية الخضرا رفعها بيمينه وقفة أسد دون الوطن يبذل الروح جندي وقف بالحد صخره متينه وكلنا جند الوطن نبني صروح ما عنده أغلى من دياره ودينه وندعي له التوفيق بالسّر والبوح وكل يشوف بالغلا مثل عينه شهيد في موته ولاعاش ممدوح وصف الشجاعه والوفا في جبينه أجمل صفات وفوقها سامي الروح سعود عائش الحربي - جدة يا جنود العزّ يا رجال الفخر انهوا العدوان في كل اتجاه العدو من جهدهم صابه ذعر والوطن بافعالهم حقق مبتغاه خلفهم سلمان فخر لاومر لاجل دار العز باذن الله حماه ومع ولي عهده دايم هو ذخر وكلنا في صفهم ضد الطغاه اطلبوا لبلادنا سر .. وجهر ينصره ربّي على طول الحياه ريان محمد الخنيفر نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى: [email protected] ويا هلا.. صورة العدد
