ياولي العهد من شعبك المخلص سلام سدد الله يابو سلمان للعلياء خطاك

بيت للشاعر عادي بن رمال الشمري في رائد نهضة الوطن ومهندس الرؤية السعودية الحالمة ولي العهد وزير الدفاع صاحب السمو الملكي الأمير محمد بن سلمان آل سعود - حفظه الله - وقد جاراه الشعراء بتفاعل رائع جداً، واتسمت الردود بمدى المشاعر التي تنبثق من محبة ولاة الأمر.
يقول البيت:
ياولي العهد من شعبك المخلص سلام
سدد الله يابو سلمان للعلياء خطاك
وصدى البيت:
ياولي العهد والشعب من وقت الامام
صف واحد ماتزعزع و لو جاه الهلاك
دولة فيها رسوله مع البيت الحرام
أطهر ارض في الكره في حمى الله ثم حماك
سر بنا في ما تريده وتلقانا أمام
دون دار أخوان نوره نحقق مبتغاك
سعود بن عبدالعزيز الهزاع - نعام
السعودي ظافرٍ في حروب وفي سلام
في حمى الله سدد الله يامحمَد خطاك
العزم والحزم تردفة بالفعل قبل الكلام
والضعيف تحتويه إن بغى بابك وجاك
نصرة المظلوم همك تجعله برد وسلام
لايعوقك شر ف أرضك وإلا في سماك
محمد مصلح الغامدي - الرياض
كلنا بالطوع ماشين في صدق الكلام
لا دعا الداعي ترانا ملبين نداك
حبنا لبلادنا بالقلوب اعيوننا ماتنام
ندحر العدوان عن دارنا واهدافنا في رضاك
نهجنا شرع حكيم وللعليا وسام
شعبنا تحت الطلب دايم كل معاك
علي الرشيد - رياض الخبراء
ياولي العهد مني تحيه واحترام
جعل ماقلت في سيدي يكسب رضاك
يبو سلمان جعلك تهنا بالمقام
في ذرا شيخ المكارم ومن فكره عطاك
يوم صكات الحرايب وطير الموت حام
تنصر المظلوم واللي تلاجا في حماك
عبد الله القديري - العطار
ياولي العهد عدوك للعدام
الولد والمال كله من فداك
دام عزك للوطن دوم الدوام
ماخسر سلمان يوم انه غذاك
اشهد انك للفخر ترقا سنام
ماخسر جارك يوم انه نخاك
إبراهيم بن ناصر الفايز - الوشم
ياحفيدالمجد والعصر والوقت الهمام
ياعظيم الشان ساير وحنا في ذراك
قايد فيك الوطن عاش فخره في امام
هيبتك هزت ملوك وهزت من عداك
غردي يادار وسيري على وجه الغمام
دام ابو سلمان خطط ونفذ من عطاك
في ذرا سلمان حنا على راس السنام
سيدي ياسيدي كل مانملك فداك
حمد عبدالله الوايلي - حوطة سدير
مرحبابك ياولي العهد يانسل الكرام
مرحبابك سيدي عداد ماتمشي اخطاك
انت شيخ ايتحدى كل صعب ولاتضام
انت نادر ولد حرٍ من سلالة ظهر اباك
للمعالي دوم تطمح وانت قايدنا الهمام
انت قايد جيش دوله ملهمٍ والله عطاك
فيصلياً مثل جدك وانت كفو ياسلام
حي فالك يوم قالوا سربنا وحنا وراك
خليف فهيد المرواني الحربي - الرياض
يحفظك ربي ويحميك يالرجل الهمام
كلنا صف واحد ولايخفى غلاك
موقعك بقلوبنا لك معزه واحترام
ياعسى ربي بفضله يحقق مبتغاك
دايم لشعبك كريم مع زود اهتمام
انت غالي لك محبه ونسعد في رضاك
محمد بن عبدالعزيز الخنيفر - أشيقر
يا محمد يابن سلمان يانسل الكرام
الثريا لك ثرى والفخَر باسمك يحاك
خالقك ربي إمامٍ ونظراتك أَمام
راس حكمُ وْكنز حنكه تؤكدها رُؤاك
همّتك قمّه ومجدك تعلّا كلّ هام
للخوي بستان طيبٍ وللباغي هلاك
كلّ شبرٍ بالوطن شامله منك اهتمام
لكْ مشاريعٍ هنا مثلها صْروحٍ هناك
ما يحقّق في قرونٍ تحقّق لكْ بعام
منجزاتك للوطن ألجمت مرْجِف وشاك
للبلد خيرك دوامٍ كما وبل الغمام
تدرك الملهوف واللي من الضيقات باك
ما ذخرت الجهد تسعى بعزْمٍ للسلام
وسيف عدلك حز روسٍ هوايتها العراك
ناصر بن جمعان آل عوض - وادي الدواسر
ياحكيم الراي والنعم ياشبيه الامام
يدوم عز اللي على الطيب رباك
خطط الفرس لتخريب خمسين عام
وصارت وبال عليهم من كف يمناك
جهودك مباركة سيدي آلى الامام
ياحبيب الكل ربي يحرسك ويحماك
صالح محمد محارب البشري - الرياض
يانسل حرٍ من احرار ياعال المقام
جدك امعزي وسلمان ابوك ولاعلاك
نظرتك للمرجله عانقت شرد الغمام
وقفتك مع هيبتك روعت من هم عداك
يامحمد شعبك ينام وانته ماتنام
وكل شعبك يامحمد تراهم من فداك
سعود مطرب العتيبي - الدوادمي
يابلاد الدين سيري على امر الامام
كلنا لاجلك جنود ونسعى في حماك
ياولي العهد فخر ولك عز ومقام
لك محبه دايمه ثم نسمع لك نداك
ومن مشى ضدك ياعسى روحه عدام
جعل ربي ينصرك ثم يحقق لك مناك
ريان بن محمد الخنيفر - أشيقر
تهابك علوج الفرس ويهابونك طغاة الشام
ولا في يوم تتلفت نصير الحق هنا وهناك
نشوف معزي بشوفك يوم انه باغت الأخصام
شجاع ٍ ماتهاب الموت ويحسّب لك كثير عداك
علومك كلها بيضاء نبذت الظلم والإجرام
يهابك كل متلاعب حفظت المال من مبداك
عبدالكريم ابن خزيّم - البكيرية
Your browser does not support the video tag.