«بروق العاصفة» ملحمة شعرية بأحاسيس 35 شاعرة خليجية

(بروق عاصفة الحزم) ملحمة شعرية إنشادية أبدعت في كتابة أبياتها 35 شاعرة خليجية لدعم قوات التحالف المشاركة في عاصفة الحزم التي أعادت للأمة العربية هيبتها وكرامتها، بقرار من خادم الحرمين الشريفين الملك سلمان بن عبدالعزيز حفظه الله، وقامت بتنفيذ فكرة بروق عاصفة الحزم الشاعرة السعودية (بروق السراة)، حيث أوضحت بأن الملحمة الشعرية تتكون من 71 بيتا قامت بكتابتها 35 شاعرة من شاعرات المملكة والخليج، وقام بأدائها المنشد يوسف شافي، وأنتجتها مها الفارس، وهذا أقل ما نقدمه للوطن وللجنود البواسل الذين رفعوا راية الحق لنصرة أشقائنا في اليمن، وقدموا أرواحهم ودماءهم لحماية لحدود المملكة من الإرهابيين والمتطرفين الحوثيين، وكانت البداية للشاعرة «بروق السراة» حيث قالت:
الصقور اللي خذت في الجو حومه
والعدو أمسى بذله والغبينه
واجمعوا قواتهم أهل وعمومه
ونفذوا ما خطته سطوة يمينه
الشاعرة بروق السراة
اعتزى فينا الوطن واليوم يومه
وما نخيب ظن منهو مرتجينه
جارنا ينخى، ولا حي يلومه
وهبت الفزعات يا ربي تعينه
الشاعرة عزوف
قام صقرٍ قومته للحرب قومه
دك جيش المعتدي قدام عينه
جيش سلمان الفخر هذي علومه
ذخرنا اللي للشدايد ذاخرينه
الشاعرة عبرة شعر
جيشه اللي بالسما يسقي عزومه
عزةٍ علياء ليا بانت علينه
يا سما ضميه وأضلوعك كتومه
حزم سلمان الحكيم وموقنينه
الشاعرة سماح الفاضل
فز جيش المملكة واطلق قرومه
وأمست الفتنة بعون الله دفينه
مرحبا بالموت حي الله قدومه
في سبيل الله حنا راغبينه
الشاعرة حنان آل فاضل
الله أكبر يسقي الظالم سمومه
ومن تعدى ظلم ما تبطي سنينه
العرب بالدين ما تترك سلومه
هبت... ولبت جميع مساندينه
الشاعرة أشجان نجد
وابتدى سلمان وأفعاله قحومه
تطوي عباب السماء وقته وحينه
طايراتٍ للعدو ما هي رحومه
دون حصبا دارنا عضودٍ متينه
الشاعرة العنيدة
الصقر صقرٍ ومن عاداه بومه
قسمته دايم مع غيره سمينه
حرب ابن سلمان بالفوز محسومه
قلب متطمنٍ وليلٍ راقدينه
الشاعرة متعبة الشهري
الوطن تبطي ولا يمكن ترومه
جيش سلمان المحنك عارفينه
لا نواها سيدي زانت علومه
والعدو بإذن الله إنا هازمينه
الشاعرة شوق السراة
خبروا إيران وإن نادى رخومه
اليمن بالحفظ وإيدين ٍأمينه
هدت صقور الجزيرة في رجومه
وارجمت روسٍ توارت في كمينه
الشاعرة الأسمى
والمعادي دايمٍ تخطي سهومه
خاذله ربي وكل معاونينه
والله إنا ما رضينا بالخصومه
اليمن نادى وما حن خاذلينه
الشاعرة عزيزة آل ثامر
نصرة الإسلام تحتاج لحسومه
والتثبط يسهم ب غرْق السفينه
أبشروا جيش الملك أعلن قدومه
لين ما دار العرب تصبح حصينه
الشاعرة الغريبة
والصقور اللي بفزعتها عزومه
في ثراهم ما يشوفون المهينه
القلوب بساحة الحزم امحزومه
موتها دون الثرى حاجة هوينه
الشاعرة فيض السحابة
كلهم باعوا العمر من غير سومه
واتركوا بديارهم دنيا وزينه
نصرهم هو فالهم في كل قومه
ما يخيبهم عظيمٍ مرتجينه
الشاعرة مريم العتيبي
السعودي والدما تغرِق هدومه
ما يهمّه والعدو تبّت يدينه
دام في قلبه وطن بنّى رسومه
والله إنّه م اهتنى نوم السكينه
الشاعرة مريم الزهراني
العرب في ظل قادتنا امحشومه
واليمن فخر العرب يا محاربينه
والنفوس الغادره منه محرومه
دونه اجيوش تدمر ظالمينه
الشاعرة بارعه
يا الوطن حوض المنايا لك نرومه
ما نهابه روحنا لأجلك رهينة
حن جنود الدار لا حلت همومه
دونه الأرواح حمايه جبينه
الشاعرة الريم اليامي
جيشنا وقت اللوازم له لزومه
يعشقون الموت ما هم هايبينه
قوة بروق العواصف في هجومه
تقتل اللي بالطواغي كارهينه
الشاعرة مهرة الشعر
عزتي للي خذيتي منه نومه
ديرتي يا مارد العز وكنينه
مجدك الوهاج ما تبلى رسومه
وسمته العاصفة فوق المدينه
الشاعرة زهرة آل ظافر
وكل دابٍ يقعد براسه سمومه
قاطعينه فالبراري حاذفينه
نحمد الله من حرقنا له هجومه
كاشفينه فالمعارك سابقينه
الشاعرة النادية
نقطع إيد المعتدي ونشل قومه
ونجعله عبره لمن هم تابعينه
يا وطنا ما نساوم فيك سومه
الجنود صقور وحدودك حصينه
الشاعرة ضي الفكر
اليمن نادى ولبينا لزومه
يشتكي من جور قومٍ ظالمينه
وما قبلتي يا بلادي أي سومه
والنصر بإذن الولي حن حاسمينه
الشاعرة حمدونة
هم بدوا بالظلم وأيضا بالخصومه
ومن بدا أظلم كلام ٍ خابرينه
ودام فرس إيران صاروا لك عمومه
دارنا عن مثلكم يندا جبينه
الشاعرة سراب الويلان
الصقر أصله صقر من يوم يومه
ما يبان الصقر إلا للسمينه
فازعين اللي لهم نهج وقومه
ما تهاب الموت همه حازمينه
الشاعرة بشرى الحضرمي
عاصفة.. حزم.. لها قومه وزومه
ترعد.. وتبرق.. لضاها.. مشعلينه
ياليمن.. لبيه.جاره.. ومحشومه
وحدة. الشعب الخليجي محتمينه
الشاعرة صمت المشاعر الوايليه
الصقر بالجو أدرج فيه حومه
معتلي عالشامخه بقوة يمينه
حي فاله ساطي المخلب سهومه
يعطي دروس البطوله ضامنينه
الشاعرة شيهانه الجبلين
من تصدى للبحر ما فاد عومه
يغرق بوسطه ولا هم منقذينه
العدو يموت كامد في سمومه
والوطن شامخ ولا هم طايلينه
الشاعرة الثريا
الصقور اللي على العليا عزومه
الوطن والجار سلمن حافظينه
ما علينا والعدو نكسر سهومه
والعدو بأمر الله إنهم مهلكينه
الشاعرة الحرة
للجزيرة زْحول والعليا ترومه
ومن ينادي للفتن تبت يدينه
شمسنا عز اليمن تشرق قدومه
راجحه كف النصر ي معاديينه
الشاعرة العنود العلي
يا عسى الحوثي له اصروح امهدومه
والفدا لارواح عزٍ صايغينه
يرتفع به والردى دايم يشومه
عاصفة حزم المعالي في عرينه
الشاعرة بوح الحنين
ويا وطن جيتك وأنا عزومي ولومه
سارجين العز من ماض المدينة
ندحر الظالم وبنفوس عزومه
نفدي ترابك بوثبات مبينه
الشاعرة حليمة العواجي
من عشق هذا الوطن من هو يلومه
ناصِر عيون اليتيمات الحزينه
رافعٍ عن جارته ذل وظلومه
يا عسى ربي يمده بِالسكينه
الشاعرة سحر الشهري
من تحدانا عليه نحوم حومه
شرنا يلحقه ويشوفه بعينه
للوطن ذا جيشنا تقوى عزومه
والعدو بإذن الولي حن داحرينه
الشاعرة موضي المرواني
العدو والله ما يهنى بنومه
من بعد ما صار بيدينا رهينه
افخري يالمملكه شعب وحكومه
النصر بإذن الله إن حن ضامنينه
الشاعرة ضحية الفرقا
والزمان اللي رجع زانت حلومه
في عهد سلمان من مدت يمينه
في البلد أمن وأمان الله يدومه
لا أرعدت فينا الحميه شايلينه
الشاعرة ينابيع السبيعي
والبيوت بذكر والينا مختومه
والنبي اللي هدانا ذاكرينه
الشاعرة العنيدة