يا ماحلا لامن تزبر نصوبه

يالله تغيث الدار من مزن الامطار
يالواحد اللي عالمن غيب الاقدار
انت العظيم اللي تغفر الخطايا
تغفر جميع ذنوبنا اصغار واكبار
طالبك يالمعبود تسقي وطنا
من مدلهمن ساقة الرب مدرار
يسقي ديارن بعد ماهي جفافي
ماشوقت في شوفها كل الانظار
ويا ماحلا لامن تزبر نصوبه
نون من القبله به البرق سمار
ساقه علينا ربنا عالي الشان
واحيا يباس الارض من عقب الادهار
ياخذ شهر واكثر على الدار سكاب
حتى الشعاب تسيل في كل الاقطار
وتشوف جال العشب عقبه منابت
متشكلن بانواع من كل الازهار
ويطيب جو اللي هواه الطلوعي
برضن لها جون عليلن ومخضار
مع الرجال اهل الوفا والشكاله
اللي لهم في داخل القلب مقدار
سجه وراحت بال ومرافق زحول
طيبن على طيبن مع افعول واذكار
الكل منهم حافظن للشريعة
الدين له مبدا على كل معبار
هاذي طرات الروح والعمر فاني
والدايم المعبود والوقت بوار
نواف بن محمد الصخابرة